அதிகரித்து வரும் வாழ்க்கைச் செலவு காரணமாக ஆஸ்திரேலிய இளைஞர்களிடையே தங்களுக்கென வீடு வாங்கும் திறன் இல்லாமல் போய்விட்டதாக சமீபத்திய கணக்கெடுப்பு ஒன்று கண்டறிந்துள்ளது.
ஒருவரின் வருடாந்த சம்பளத்துடன் ஒப்பிடுகையில் வீட்டு விலை பத்து மடங்கு அதிகரித்துள்ளதாக தெரிவிக்கப்படுகின்றது.
கணக்கெடுப்புக்கு பதிலளித்தவர்களில் 80 சதவீதம் பேர் வீடு வாங்கும் கனவை கைவிட்டுள்ளனர் என்பதும் அங்கீகரிக்கப்பட்டுள்ளது.
வீடு வாங்குவதை விட வாடகை வீட்டில் வசிப்பதே மனநிறைவை தருவதாகவும் சில தரப்பினர் கூறியுள்ளனர்.
சிட்னியில் ஒரு புதிய வீட்டின் சராசரி விலை இப்போது 1.3 மில்லியன் டாலர்களைத் தாண்டியுள்ளது, அதே சமயம் பிரிஸ்பேன், மெல்போர்ன் மற்றும் கான்பெராவில் ஒரு புதிய வீட்டின் விலை 08 மில்லியன் டாலர்களைத் தாண்டியுள்ளது.
வட்டி உயர்வு, சரக்கு மற்றும் சேவைக் கட்டணம் உயர்வு, அன்றாடச் செலவுகள், கல்விச் செலவுகள் போன்றவற்றால் வீடு வாங்கும் கனவு இளைஞர்களிடம் இருந்து தொலைந்துவிட்டதாகக் கூறப்படுகிறது.
வாழ்க்கைச் செலவு, வேலையில்லா திண்டாட்டம் போன்றவற்றால் இளைஞர் சமுதாயம் மிகுந்த மன உளைச்சலில் இருப்பதாகவும், இதற்கு தீர்வு காண புதிய திட்டங்களை செயல்படுத்தி வருவதாகவும் மத்திய அரசு குறிப்பிட்டுள்ளது.
