இந்த வார இறுதியில் நாட்டில் கோழிக்கறி தொடர்பான பொருட்களுக்கு தட்டுப்பாடு ஏற்படலாம் எனவும், ஏஎப்எல் உள்ளிட்ட விளையாட்டு போட்டிகளை காண வரும் பார்வையாளர்கள் மிகவும் சிரமப்படுவார்கள் எனவும் எச்சரிக்கப்படுகிறது.
சம்பள அதிகரிப்பு உள்ளிட்ட பல கோரிக்கைகளை முன்வைத்து பிரதான கோழி உற்பத்தி நிறுவனமொன்றின் 1000க்கும் மேற்பட்ட ஊழியர்கள் இன்று அதிகாலை முதல் வேலை நிறுத்தப் போராட்டத்தை ஆரம்பித்துள்ளமையே இதற்குக் காரணம்.
இதன்படி, பல பல்பொருள் அங்காடிகள் மற்றும் முக்கிய துரித உணவு உணவகங்கள் பாதிக்கப்படலாம் என கணிக்கப்பட்டுள்ளது.
இருப்பினும், பல சூப்பர் மார்க்கெட் சங்கிலிகள் தற்போது தங்கள் கடைகளில் சிக்கன் தொடர்பான பொருட்களுக்கு தட்டுப்பாடு இல்லை என்று கூறியுள்ளன.
ஊழியர்களின் மணித்தியால சம்பளம் மேலும் 1.5 டொலர்களால் அதிகரிக்கப்பட வேண்டும் எனவும் ஒப்பந்த சேவைக் காலமான 6 மாதங்களின் பின்னர் பணி நிரந்தரம் செய்யப்பட வேண்டும் எனவும் கோரி ஊழியர்கள் தொழில் நடவடிக்கைகளில் ஈடுபட்டுள்ளனர்.
இந்த அடையாள வேலைநிறுத்தம் 24 மணித்தியாலங்களுக்கு மட்டுப்படுத்தப்பட்ட போதிலும், தமது கோரிக்கைகளை வென்றெடுப்பதற்காக எதிர்காலத்தில் 05 நாள் வேலை நிறுத்தத்தில் ஈடுபட எதிர்பார்ப்பதாக சம்பந்தப்பட்ட கோழி உற்பத்தி நிறுவன ஊழியர்கள் வலியுறுத்தியுள்ளனர்.
