மலேசியாவின் சென்டுல் பகுதியில் 3 இலங்கையர்கள் கொல்லப்பட்டுள்ளனர்.
இதில் மேலும் இரு இலங்கையர்களை கண்டுபிடிப்பதற்கான விசாரணைகளை ஆரம்பித்துள்ளதாக கோலாலம்பூர் பொலிஸ் திணைக்களம் தெரிவித்துள்ளது.
உயிரிழந்த 3 இலங்கையர்களும் 20 முதல் 40 வயதுக்கு இடைப்பட்டவர்கள் எனவும், செந்தூல் பகுதியில் உள்ள இலங்கை தம்பதியருக்கு சொந்தமான கட்டிடத்தின் இரண்டாவது மாடியில் உள்ள வீட்டில் அவர்களது சடலங்கள் கண்டெடுக்கப்பட்டுள்ளதாகவும் கோலாலம்பூர் பொலிஸார் தெரிவித்திருந்தனர்.
இந்த கட்டிடத்தின் முதல் தளத்தில் கடைகள் உள்ளதாகவும், மேல் தளத்தில் வீடு இருப்பதாகவும் கூறப்படுகிறது.
உயிரிழந்த 3 பேரில் ஒருவர் வீடொன்றை வைத்திருக்கும் தம்பதியரின் மகன் எனவும் மற்றைய இருவர் வீட்டில் வாடகைக்கு இருந்த இருவர் எனவும் கோலாலம்பூர் பொலிஸார் தெரிவித்துள்ளனர்.
சடலங்கள் கண்டெடுக்கப்பட்டபோது, சடலங்கள் ஒன்றாகக் கட்டப்பட்டிருந்ததாகவும் கூறப்படுகிறது.
