மேற்கு அவுஸ்திரேலியாவில் பொலிஸ் சேவைக்கு விண்ணப்பிக்கும் வெளிநாட்டவர்கள் விசா பெறுவதில் சிரமங்களை எதிர்கொள்வதாக தெரியவந்துள்ளது.
புதிய ஆட்சேர்ப்பின் கீழ், மேற்கு அவுஸ்திரேலியாவில் பொலிஸ் சேவைக்கு ஏற்கனவே 30 வெளிநாட்டவர்கள் தெரிவு செய்யப்பட்டுள்ளனர்.
ஆனால் விசா நிராகரிப்பு காரணமாக கணிசமானோர் அந்த வாய்ப்புகளை நிராகரித்துள்ளதாக தெரியவந்துள்ளது.
சில அதிகாரிகளுக்கு விசா கிடைத்தாலும் அவர்களின் குடும்ப உறுப்பினர்களுக்கு பல்வேறு உடல்நலக் காரணங்களால் விசா கிடைப்பதில்லை என்று கூறப்படுகிறது.
இதேவேளை, கடந்த 12 மாதங்களில் மேற்கு அவுஸ்திரேலியாவில் பொலிஸ் சேவைக்காக சுமார் 1,400 சர்வதேச விண்ணப்பங்கள் வந்துள்ளன.
எதிர்வரும் 05 வருடங்களில் பிரித்தானியா, அயர்லாந்து மற்றும் நியூசிலாந்து ஆகிய நாடுகளை பிரதிநிதித்துவப்படுத்தும் வகையில் 750 வெளிநாட்டு அதிகாரிகள் மேற்கு அவுஸ்திரேலியாவில் பொலிஸ் சேவைக்கு இணைத்துக் கொள்ளப்படவுள்ளனர்.
ஆட்சேர்ப்பு விழாவில் கலந்து கொண்ட உள்துறை அமைச்சர் Claire O’Neill, குடிவரவு சட்டங்கள் தொடர்பாக நாட்டில் நெருக்கடி நிலவுவதாகவும், அது தொடர்பான பிரச்சனைகளை இந்த ஆண்டு இறுதிக்குள் சரி செய்ய நடவடிக்கை எடுக்கப்படும் என்றும் குறிப்பிட்டார்.
