அகதிகள் குறித்து இங்கிலாந்து உள்துறை செயலாளர் தெரிவித்த கருத்து

அமெரிக்காவில் வோஷிங்டனில் உள்ள அமெரிக்கன் என்டர்பிரைஸ் எனப்படும் நிறுவனம் நிகழ்ச்சி ஒன்றை நடத்தியது.

குறித்த நிகழ்ச்சியில், இங்கிலாந்து நாட்டின் உள்துறை செயலாளராக பணிபுரிபவர் சுவெல்லா பிரேவர்மேன் (Suella Braverman) பங்கேற்றுள்ளார்.

அப்போது அவர் கருத்து தெரிவிக்கையில் ,

பன்முக கலாசாரம் தோல்வியடைந்து விட்டது. பன்முக கலாசாரம் என்பது தற்காலத்திற்கு ஒவ்வாத சித்தாந்தம். இந்த தவறான சித்தாந்தத்தால் இங்கிலாந்திற்குள் அகதிகளாக பலர் வரும் சூழ்நிலை ஏற்பட்டுள்ளது.

இந்த சித்தாந்தத்தின்படி ஒரு நாட்டிற்குள் அகதிகளாக வருபவர்களுக்கு அந்த நாட்டு மக்களோடு இணைந்து வாழ வேண்டும் எனும் கட்டாயம் இல்லாத நிலை உள்ளது. இதனால் பல சிக்கல்கள் ஏற்படுகிறது. அவர்கள் குடியேறும் நாட்டு மக்களோடு இணைந்து வாழாமல் தங்கள் கலாசாரத்தையே பின்பற்றி தனியாக வாழ்கிறார்கள். ஒரு சில சமயம், நாட்டின் பாதுகாப்பிற்கும், சமூக அமைதிக்கும் கேடு விளைவிக்கும் செயல்களிலும் ஈடுபடுகிறார்கள்.

ஐரோப்பாவின் அனைத்து நகரங்களின் தெருக்களிலும் பன்முக கலாசாரம் தோல்வியடைந்ததற்கான அடையாளங்கள் தெரிகின்றன என தெரிவித்துள்ளார்.