முட்டை தேவையை பூர்த்தி செய்ய முட்டை உற்பத்தியை அதிகரிப்பது தொடர்பான சலுகைகளை மத்திய அரசு வழங்க வேண்டும் என முட்டை உற்பத்தியாளர்கள் கோரிக்கை விடுத்துள்ளனர்.
பறவைக் காய்ச்சல், வெள்ளம், காட்டுத் தீ போன்றவற்றால் முட்டைத் தொழில் கடும் சவால்களை எதிர்கொண்டுள்ளதாக அவர்கள் சுட்டிக்காட்டியுள்ளனர்.
ஆஸ்திரேலியாவில் தினசரி 18 மில்லியன் முட்டைகள் நுகரப்படுகின்றன, கடந்த நிதியாண்டில் மட்டும் 6.6 பில்லியன் முட்டைகள் நுகரப்பட்டுள்ளன.
மேற்கு ஆஸ்திரேலியாவின் முட்டை தேவையில் 1/4 கிழக்கு மாநிலங்களில் இருந்து இறக்குமதி செய்யப்படுகிறது.
ஆனால் அவுஸ்திரேலியாவின் கிழக்கு மாகாணங்களில் முட்டை உற்பத்தியில் ஏற்பட்டுள்ள வீழ்ச்சி, ஒட்டுமொத்தமாக நாட்டின் முட்டை விநியோகச் சங்கிலியை பாதிக்கும் என உற்பத்தியாளர்கள் சுட்டிக்காட்டுகின்றனர்.
பல்வேறு நோய்கள் காரணமாக, கிழக்கு ஆஸ்திரேலியாவில் முட்டை உற்பத்தி தொடர்பான கிட்டத்தட்ட 05 லட்சம் விலங்குகள் இதுவரை அகற்றப்பட்டுள்ளன.
இதன் காரணமாக முட்டையின் விலை வேகமாக அதிகரித்துள்ளதோடு 12 முட்டைகளின் விலை 04 டொலர்களில் இருந்து 08 டொலர்களாக இருமடங்காக அதிகரித்துள்ளதாக சந்தை தகவல்கள் தெரிவிக்கின்றன.
