குயின்ஸ்லாந்து மாநிலத்தில் மின்சாரத்தை சிக்கனமாக பயன்படுத்தும் சிறு மற்றும் நடுத்தர நிறுவனங்களுக்கு அதிகபட்சமாக 12,500 டாலர்களுக்கு உட்பட்டு தள்ளுபடி வழங்க முடிவு செய்யப்பட்டுள்ளது.
அதற்கான தள்ளுபடிகள் இதுவரை வீட்டு வசதிகளுக்கு மட்டுமே கிடைத்து வந்தது, இனிமேல் சிறிய மற்றும் நடுத்தர அளவிலான தொழில் நிறுவனங்களும் அவற்றைப் பெறுவதற்கான வாய்ப்புகள் உள்ளன.
சுமார் 450,000 சிறு வணிக உரிமையாளர்கள் ஆற்றல் செலவினங்களைக் கட்டுப்படுத்தும் உபகரணங்களை வாங்கும் போது செலவில் 50 சதவிகிதம் வரை தள்ளுபடி பெற வாய்ப்பு உள்ளது.
அதன்படி, குறைந்தபட்சம் $4000 தள்ளுபடி பெற, $8000 மதிப்புள்ள மின் சாதனங்களை வாங்க வேண்டும்.
4-நட்சத்திர வகையின் கீழ் மின் சாதனங்கள் மற்றும் விளக்கு அமைப்புகள் – குளிர்சாதன பெட்டிகள் – சலவை இயந்திரங்கள் – உலர்த்திகள் ஆகியவற்றிற்கு தள்ளுபடிகள் கிடைக்கின்றன.
எரிசக்தி செலவைக் குறைக்கக்கூடிய மின் சாதனங்களைப் பயன்படுத்தினால் எதிர்காலத்தில் மின் கட்டண விகிதங்களைக் குறைக்க முடியும் என்று குயின்ஸ்லாந்து பிரதமர் வலியுறுத்தினார்.
