ஜெர்மனியில் முனிச் நகரின் கிழக்கு பகுதியில் முஹல்டோர்ப் என்ற இடத்தில் வேன் ஒன்று நேற்று (13) விபத்துக்குள்ளாகியுள்ளது.
குறித்த பகுதியில் பொலிஸ் சோதனை சாவடியில் இருந்த பொலிஸார் வேனை சோதனையிடுவதற்காக நிறுத்தும்படி தெரிவித்தனர். ஆனால் சாரதி வேனை நிறுத்தாமல் பொலிஸ் சோதனை சாவடியை வேகமாக கடந்து செல்ல முயன்றுள்ளார்.
சாரதியின் கட்டுப்பாட்டை இழந்த வேன் சாலையில் கவிழ்ந்த நிலையில் வேன் தீப்பிடித்து எரிந்தது விபத்து ஏற்பட்டுள்ளது.
இந்த கோர விபத்தில் வேனில் இருந்த 7 பேர் சம்பவ இடத்திலேயே உயிரிழந்துள்ளனர். பலர் படுகாயமடைந்துள்ளனர்.
இது தொடர்பான மேலதிக விசாரணைகளை அங்குள்ள பொலிஸார் மேற்கொண்டு வருகின்றனர்.
