மேலும் 300,000 TAFE மற்றும் தொழிற்கல்வி மாணவர்களுக்கு இலவசக் கல்வியை வழங்குமாறு மாநில அரசுகளைக் கேட்க மத்திய அரசு தயாராகி வருகிறது.
தொழில் மற்றும் விருந்தோம்பல் துறைகளில் ஆயிரக்கணக்கில் வேலை வாய்ப்புகள் உள்ள நிலையில், திறமையான பணியாளர்கள் இல்லாதது பெரும் பிரச்சனையாக உள்ளது என்று திறன் மற்றும் பயிற்சி அமைச்சர் பிரெண்டன் ஓ’கானர் குறிப்பிட்டார்.
நோயாளிகள் பராமரிப்பு – முதியோர் பராமரிப்பு – குழந்தைகள் பராமரிப்பு – மோட்டார் மெக்கானிக் – கொத்தனார் போன்ற ஏராளமான வேலைகளில் கடுமையான தொழிலாளர்கள் பற்றாக்குறை இருப்பதாகக் கூறப்படுகிறது.
ஆனால், பல்வேறு பொருளாதாரச் சிக்கல்கள் காரணமாக அதிக எண்ணிக்கையிலான பள்ளிப் படிப்பை முடித்தவர்கள் இத்தகைய படிப்புகளுக்குத் திரும்பாததால் திறமையான பணியாளர்களைக் கண்டுபிடிப்பது கடினமாகிவிட்டது என்று திறன் மற்றும் பயிற்சி அமைச்சர் பிரெண்டன் ஓ’கானர் சுட்டிக்காட்டுகிறார்.
இதே நிலை நீடித்தால், அடுத்த சில ஆண்டுகளில் ஆஸ்திரேலியா மிகக் கடுமையான வேலை வாய்ப்புப் பற்றாக்குறையை எதிர்கொள்ள வேண்டியிருக்கும் என்பது அவரது நிலைப்பாடு.
எனவே, மாநில அரசுகளும், மத்திய அரசும் அவசர திட்டத்தை உருவாக்க வேண்டியதன் அவசியத்தை, திறன் மற்றும் பயிற்சி அமைச்சர் பிரெண்டன் ஓ’கானர் வலியுறுத்துகிறார்.
