அடுத்த சில நாட்களில் பல மாநிலங்கள் பனிப்பொழிவு, சூறாவளி, கனமழை மற்றும் காட்டுத் தீ போன்றவற்றை எதிர்கொள்ள வேண்டியிருக்கும் என்று வானிலை ஆய்வு மையம் மக்களை எச்சரித்துள்ளது.
நேற்று விக்டோரியா மாகாணத்தில் மணிக்கு 100 கிலோமீற்றருக்கும் அதிகமான வேகத்தில் காற்றின் வேகம் பதிவாகியிருந்த நிலையில் இன்று விக்டோரியா மாகாணத்தில் வெப்பநிலை குறைந்துள்ளதாக தெரிவிக்கப்படுகின்றது.
இதேவேளை, டாஸ்மேனியா மற்றும் விக்டோரியா மாகாணங்களில் கடல் மட்டத்திலிருந்து 600 முதல் 900 மீற்றர் வரையில் அமைந்துள்ள பகுதிகளில் இன்று முதல் பனிப்பொழிவை எதிர்பார்க்கலாம்.
தெற்கு மற்றும் கிழக்கு மாநிலங்களில் வெப்பநிலை குறைவாக உள்ளது, மெல்போர்னில் 14 டிகிரி செல்சியஸ், அடிலெய்டில் 15 டிகிரி செல்சியஸ் மற்றும் ஹோபார்ட்டில் 12 டிகிரி செல்சியஸ் பதிவாகும்.
இருப்பினும், நியூ சவுத் வேல்ஸ் மற்றும் குயின்ஸ்லாந்து மாநிலங்களில் இன்று அனல் காற்றும் பலத்த காற்றும் வீசுவதுடன், காட்டுத் தீ ஏற்படும் அபாயமும் உள்ளதாக வானிலை ஆய்வு மையம் கணித்துள்ளது.
மாநிலம் முழுவதும் காட்டுத் தீ பரவும் அபாயம் இருந்தாலும், வரும் நாட்களில் மழை பெய்யும் என எதிர்பார்க்கப்படுவதால் காட்டுத் தீ அபாயத்தைக் கட்டுப்படுத்த முடியும் என வானிலை நிபுணர்கள் தெரிவித்துள்ளனர்.
எவ்வாறாயினும், வானிலை அறிக்கைகள் தொடர்பில் மக்கள் எப்பொழுதும் கவனம் செலுத்துவது முக்கியம் என வலியுறுத்தப்பட்டுள்ளது.
