உலகக்கிண்ண கிரிக்கெட் தொடரில் நெதர்லாந்து அணிக்கு எதிரான போட்டியில் அவுஸ்திரேலியா அணி 309 ஓட்டங்களால் வெற்றிப்பெற்றுள்ளது.
போட்டியில் நாணய சுழற்சியில் அவுஸ்திரேலிய அணி வெற்றிப் பெற்று முதலில் துடுப்பெடுத்தாட தீர்மானித்தது.
அதன்படி, முதலில் துடுப்பெடுத்தாடிய அந்த அணி நிர்ணயிக்கப்பட்ட 50 ஓவர்கள் நிறைவில் 8 விக்கெட்டுக்களை இழந்து 399 ஒட்டங்களைப் பெற்றுக் கொண்டது.
அவுஸ்திரேலியா சார்பில் Glenn Maxwell 106 ஓட்டங்களையும், David Warner 104 ஓட்டங்களையும், Steven Smith 71 ஓட்டங்களையும் பெற்றுக் கொண்டனர்.
பந்து வீச்சில் நெதர்லாந்து அணி சார்பில் Logan van Beek அதிகபட்சமாக 4 விக்கெட்டுக்களை வீழ்த்தினார்.
பின்னர் 400 ஓட்டங்கள் என்ற வெற்றி இலக்கை நோக்கி துடுப்பெடுத்தாடிய நெதர்லாந்து அணி 21 ஓவர்கள் நிறைவில் சகல விக்கெட்டுக்களையும் இழந்து 90 ஓட்டங்களை மாத்திரம் பெற்று தோல்வியடைந்தது.
அந்த அணி சார்பில் Vikramjit Singh அதிகபட்சமாக 25 ஓட்டங்களை பெற்றுக்கொடுத்தார்.
பந்து வீச்சில் அவுஸ்திரேலியா அணி சார்பில் Adam Zampa 4 விக்கெட்டுக்களை வீழ்த்தினார்.
நன்றி தமிழன்
