2023 – உலகக் கிண்ணத் தொடரின் இன்றைய போட்டியில் நியூசிலாந்தை வீழ்த்தி அவுஸ்திரேலிய அணி வெற்றி பெற்றது.
இன்றைய போட்டியின் நாணய சுழற்சியில் வெற்றிப் பெற்ற நியூசிலாந்து அணி முதலில் பந்து வீச்சைத் தெரிவுசெய்தது.
இதன்படி ,முதலில் துடுப்பெடுத்தாடிய அவுஸ்திரேலிய அணி 49.2 ஓவர்கள் நிறைவில் அனைத்து விக்கெட்டுக்களையும் இழந்து 388 ஓட்டங்களை பெற்றது.
துடுப்பாட்டத்தில் அந்த அணி சார்பில் அணியின் அதிகபட்சமாக 106 ஓட்டங்களை டிராவிஸ் ஹெட் பெற்றதுடன் டேவிட் வார்னர் 81 ஓட்டங்களை பெற்றுக்கொடுத்தார்.
பந்துவீச்சில்,நியூசிலாந்து அணியின் க்ளென் பிலிப்ஸ் மற்றும் டிரெண்ட் போல்ட் 03 விக்கெட்டுக்களையும் மிட்செல் சான்ட்னர் தலா இரு விக்கெட்டுக்களையும் மாட் ஹென்றி ஒரு விக்கட்டையும் கைப்பற்றினர்.
இந்தநிலையில், 389 ஓட்டங்கள் என்ற வெற்றி இலக்கை நோக்கி துடுப்பெடுத்தாடிய நியூசிலாந்து அணி 50 ஓவர்கள் நிறைவில் 09 விக்கெட்டுக்களை இழந்து ஓட்டங்களை 383 மாத்திரம் பெற்ற நிலையில்அவுஸ்திரேலிய அணி வெற்றி பெற்றது.
நியூசிலாந்து அணிசார்பில் அதிகபடியாக ரச்சின் ரவீந்திரன் 116 ஓட்டங்களையும் டேரில் மிட்செல் 54 ஓட்டங்களையும் பெற்றுக்கொடுத்தனர்.
பந்துவீச்சில்,அவுஸ்திரேலிய அணியின் ஆடம் ஜம்பா 74 ஓட்டங்களுக்கு 03 விக்கெட்டுக்களையும் ஜோஷ் ஹேசில்வுட் மற்றும் பாட் கம்மின்ஸ் தலா இரு விக்கெட்டுக்களையும் கிளென் மேக்ஸ்வெல் ஒரு விக்கட்டையும் கைப்பற்றினர்.
