ஹமாஸின் நடவடிக்கைகளை கண்டித்து இஸ்ரேலுக்கு ஆதரவாக அவுஸ்திரேலியாவின் வாழும் முன்னாள் பிரதமர்கள் கூட்டறிக்கை ஒன்றை வெளியிட தயாராகி வருகின்றனர்.
இதற்கான வரைவு ஏற்கனவே தயாரிக்கப்பட்டுள்ளதாகவும் தற்போது உயிருடன் இருக்கும் அவுஸ்திரேலியாவின் முன்னாள் பிரதமர்கள் 07 பேரும் இதில் கையொப்பமிடவுள்ளதாக குறிப்பிடப்படுகின்றது.
ஹமாஸ் அமைப்பின் செயல்கள் இங்கு வன்மையாகக் கண்டிக்கப்படும் என்றும் கணிக்கப்பட்டுள்ளது.
இந்நிலையில், காசா பகுதியில் போர் நிறுத்தம் ஏற்படுத்துவது தொடர்பாக நேற்றிரவு ஐக்கிய நாடுகள் பொதுச் சபையில் நடைபெற்ற வாக்கெடுப்பின் போது அவுஸ்திரேலியா அமைதியாக இருந்தமை தவறானது என எதிர்க்கட்சித் தலைவர் பீட்டர் டட்டன் தெரிவித்துள்ளார்.
அமெரிக்கா உள்ளிட்ட நட்பு நாடுகளுடன் இணைந்து இஸ்ரேலுக்கு ஆதரவாக வாக்களித்திருக்க வேண்டும் என்று அவர் வலியுறுத்துகிறார்.
காசா பகுதியில் மோதல்களை உடனடியாக நிறுத்தவும் பொதுமக்களைப் பாதுகாக்கவும் ஐக்கிய நாடுகள் சபையின் பொதுச் சபையில் கொண்டுவரப்பட்ட தீர்மானத்திற்கு ஆதரவாக 120 வாக்குகளும், எதிராக 14 வாக்குகளும் வாக்களிப்பதில் இருந்து 45 நாடுகள் வாக்களிக்கவில்லை.
பிரேரணைக்கு ஆதரவாக இலங்கையும் வாக்களித்தது.
இருப்பினும், ஆஸ்திரேலியா – இந்தியா – கிரேட் பிரிட்டன் உள்ளிட்ட 45 நாடுகள் அமைதியான நடைமுறையைப் பின்பற்றின.
