உலக கிண்ண கிரிக்கெட் தொடரில் நேற்று (03) ஆப்கானிஸ்தான் மற்றும் நெதர்லாந்து அணிகள் மோதின.
குறித்த போட்டியின் நாணய சுழற்சியில் வெற்றிப் பெற்ற நெதர்லாந்து அணி முதலில் துடுபெடுப்பைத் தெரிவு செய்தது.
இதன்படி ,முதலில் துடுப்பெடுத்தாடிய நெதர்லாந்து அணி 46.3 ஓவர்கள் நிறைவில் அனைத்து விக்கெட்டுக்களையும் இழந்து 179 ஓட்டங்களை பெற்றுள்ளது.
துடுப்பாட்டத்தில் அந்த அணி சார்பில் அணியின் அதிகபட்சமாக 58 ஓட்டங்களை சைப்ரண்ட் ஏங்கல்பிரெக்ட் பெற்றதுடன் மேக்ஸ் ஓ’டவுட் 42 ஓட்டங்களை பெற்றுக்கொடுத்தார்.
இந்தநிலையில், 180 ஓட்டங்கள் என்ற வெற்றி இலக்கை நோக்கி துடுப்பெடுத்தாடிய ஆப்கானிஸ்தான் அணி 31.3 ஓவர்களில் 03 விக்கெட்டுக்களை மாத்திரம் இழந்து வெற்றி இலக்கை அடைந்தது.
அணிசார்பில் அதிகபடியாக ஹஷ்மத்துல்லா ஷாஹிதி 56 ஓட்டங்களை பெற்றுக்கொடுத்தார்.
பந்துவீச்சில், நெதர்லாந்து அணியின் சாகிப் சுல்பிகர் 25 ஓட்டங்களுக்கு ஒரு விக்கெட்டை கைப்பற்றினார்.
