அவுஸ்திரேலியா முழுவதும் பாதுகாப்புப் படையினர் மேற்கொண்ட தொடர் சோதனையில் கிட்டத்தட்ட 11 மில்லியன் டாலர் மதிப்புள்ள 35 டன் சட்டவிரோத மின்னணு சிகரெட்டுகள் கைப்பற்றப்பட்டுள்ளன.
இந்த இ-சிகரெட்டுகளில் பெரும்பாலானவை நிகோடின் கலந்திருப்பது உறுதி செய்யப்பட்டுள்ளது.
நியூ சவுத் வேல்ஸ் – விக்டோரியா – குயின்ஸ்லாந்து மற்றும் மேற்கு ஆஸ்திரேலியா ஆகிய மாநிலங்களில் இந்த சோதனைகள் நடத்தப்பட்டன.
இதேவேளை, சிட்னியில் பல்வேறு குற்றச்செயல்களுக்கு பயன்படுத்துவதற்காக திருடப்பட்ட 02 மில்லியன் டொலர் பெறுமதியான 27 கார்களுடன் 20 சந்தேகநபர்கள் கைது செய்யப்பட்டுள்ளனர்.
போர்ஸ் மற்றும் ஃபோர்டு போன்ற விலையுயர்ந்த வாகனங்களும் அவற்றில் இருப்பதாக நியூ சவுத் வேல்ஸ் மாநில காவல்துறை தெரிவித்துள்ளது.
இந்த வாகனங்கள் துப்பாக்கிச் சூடு போன்ற திட்டமிட்ட குற்றச் செயல்களுக்கு பயன்படுத்த திட்டமிடப்பட்டதும் உறுதி செய்யப்பட்டுள்ளது.
