நாடு முழுவதும் உள்ள ஆசிரியர் பணியிடங்களை நிரப்பும் நோக்கில், ஆசிரியர் பட்டப்படிப்பு தேர்வர்களுக்கு தலா 40,000 டாலர் உதவித்தொகை வழங்க மத்திய அரசு நடவடிக்கை எடுத்துள்ளது.
அதன்படி, 2024 ஆம் ஆண்டில், உரிய தகுதிகளைக் கொண்ட 5,000 இளங்கலை மாணவர்களுக்கு புலமைப்பரிசில்கள் வழங்கப்படும், இதற்காக 160 மில்லியன் டாலர்கள் ஒதுக்கப்படும்.
வரும் திங்கட்கிழமை முதல் இளங்கலை மாணவர்கள் உதவித்தொகைக்கு விண்ணப்பிக்கலாம்.
2023ஆம் ஆண்டில் இளங்கலை கல்விப் படிப்புகளுக்கு விண்ணப்பித்தவர்களின் எண்ணிக்கை 20 சதவீதம் குறைந்துள்ளதாகத் தெரிவிக்கப்படுகிறது.
04 வருட பட்டப்படிப்பு முடிவடையும் வரை உரிய சலுகைகள் கிடைக்கும் மற்றும் 04 வருட முதுகலைப் பட்டப்படிப்பின் முடிவில் மாணவர்கள் இருபதாயிரம் டாலர்கள் உதவித்தொகையைப் பெற முடியும்.
இதற்கிடையில், புலமைப்பரிசில் பெறுபவர்கள் குறைந்தபட்சம் 04 வருடங்கள் அரசாங்கப் பள்ளிகளிலோ அல்லது ஆரம்பக் கற்றல் நிலையங்களிலோ பணிபுரிவது கட்டாயமாகும்.
புதிய புலமைப்பரிசில் முறையானது ஆசிரியர் பற்றாக்குறையை தீர்க்க உதவும் என்றும் உலகின் தலைசிறந்த தொழிலை பாதுகாப்பதே தமது அரசாங்கத்தின் நோக்கம் என்றும் கல்வி அமைச்சர் ஜேசன் கிளேர் வலியுறுத்தினார்.
