தடுப்புக் காவலில் உள்ள சட்டவிரோதக் குடியேற்றவாசிகள் குழுவை விடுவிப்பது பொதுப் பாதுகாப்புக்கு அச்சுறுத்தல் என்று கூட்டாட்சி எதிர்க்கட்சி குற்றம் சாட்டுகிறது.
விடுவிக்கப்பட்டவர்களில் சிறுவர் துஷ்பிரயோகம் செய்பவர்களும் பல்வேறு குற்றங்களில் ஈடுபட்டவர்களும் உள்ளடங்குவதாக குடிவரவு அமைச்சர் டான் டெஹான் வலியுறுத்துகிறார்.
கடந்த புதன்கிழமை அந்தோனி அல்பானீஸ் அரசாங்கம் தடுப்புக்காவலில் இருந்த 80 புலம்பெயர்ந்தோரை எந்தவித விசாரணையும் இன்றி விடுதலை செய்துள்ளதாக அவர் குற்றம் சாட்டியுள்ளார்.
சட்டவிரோத குடியேற்றவாசிகளை காலவரையறையின்றி காவலில் வைப்பது சட்டவிரோதமானது என உயர்நீதிமன்றம் வழங்கிய உத்தரவுக்கு அமைய இந்த விடுதலை செய்யப்பட்டுள்ளதாக குடிவரவு அமைச்சர் ஆன்ட்ரூ கில்ஸ் வலியுறுத்தியுள்ளார்.
ஆஸ்திரேலிய பெடரல் காவல்துறையும் எல்லைப் பாதுகாப்புப் படையும் அவர்களைத் தொடர்ந்து கண்காணித்து வருவதால் பாதுகாப்பு அச்சுறுத்தல் எதுவும் இல்லை என்று அவர் கூறினார்.
நீண்டகாலமாக தடுத்து வைக்கப்பட்டுள்ள மேலும் 340 பேர் எதிர்வரும் காலங்களில் அதிகாரிகளால் விடுவிக்கப்பட உள்ளனர்.
சராசரியாக, குடிவரவு கைதிகள் 708 நாட்களுக்கு தடுத்து வைக்கப்பட்டுள்ளதாகவும், மேலும் 124 புலம்பெயர்ந்தோர் தற்போது 05 வருடங்களுக்கும் மேலாக தடுத்து வைக்கப்பட்டுள்ளதாகவும் அவுஸ்திரேலிய புகலிட மையம் அறிவித்துள்ளது.
