கடந்த வாரம் தடுப்புக்காவலில் இருந்து விடுவிக்கப்பட்ட சில சட்டவிரோத குடியேற்றவாசிகள் செல்லுபடியாகும் வீசா எதுவுமின்றி விடுவிக்கப்பட்டதாக தெரியவந்துள்ளது.
ஊடக அமைப்பு ஒன்றின் விசாரணை அறிக்கையின்படி, அவர்களில் சிலருக்கு வழங்கப்பட்ட கடிதங்களில் அவர்கள் தற்காலிக அனுமதியின் பேரில் விடுவிக்கப்படுவார்கள் என்றும் செல்லுபடியாகும் விசா அனுமதி அல்ல என்றும் குறிப்பிடப்பட்டுள்ளது.
இதன்படி, உயர் நீதிமன்றத்தின் தீர்ப்பின் அடிப்படையில் விடுவிக்கப்பட்ட மக்களுக்கு பிரிட்ஜிங் விசா வழங்கப்பட்டதாக வெளிவிவகார அமைச்சர் பென்னி வோங் மற்றும் ஏனைய அரசாங்க அமைச்சர்கள் தெரிவித்த கருத்துக்கள் பொய்யானவை எனவும் குற்றம் சுமத்தப்பட்டுள்ளது.
விடுவிக்கப்பட்ட 83 பேரில் சிறுவர் துஷ்பிரயோகம் மற்றும் பல்வேறு குற்றச்செயல்களில் ஈடுபட்டவர்கள் என அரசாங்கம் ஏற்கனவே ஒப்புக்கொண்டுள்ளது.
அவர்களைக் கண்டு பயப்படத் தேவையில்லை என்றும், எல்லைப் பாதுகாப்புப் படை மற்றும் மத்திய காவல்துறையின் தொடர் கண்காணிப்பில் அவர்கள் இருப்பதாகவும் குடிவரவு அமைச்சர் ஆண்ட்ரூ கில்ஸ் தெரிவித்தார்.
எவ்வாறாயினும், எந்தவொரு விசா அல்லது விசா நிபந்தனைகளும் இன்றி கடிதம் மாத்திரம் வழங்கப்பட்டு வெளியிடப்பட்டுள்ளமை பாரதூரமான பிரச்சினையாக உள்ளதாக பல தரப்பினரும் குற்றம் சுமத்துகின்றனர்.
