காசா பகுதியில் நிலையான போர்நிறுத்தத்திற்கான அவசர சர்வதேச முயற்சியை எட்டுவதற்கு கனடா மற்றும் நியூசிலாந்துடன் இணைந்து பணியாற்றுவதற்கு ஆஸ்திரேலிய பிரதமர் அந்தோனி அல்பானீஸ் தனது உடன்பாட்டை வெளிப்படுத்தியுள்ளார்.
கனேடிய பிரதமர் ஜஸ்டின் ட்ரூடோ ஹமாஸ் பயங்கரவாதத் தாக்குதல்களைக் கண்டித்து முதன்முறையாக அறிக்கை ஒன்றை வெளியிட்டுள்ளார், நியூசிலாந்து பிரதமர் கிறிஸ்டோபர் லக்சன் மற்றும் ஆஸ்திரேலிய பிரதமர் அந்தோனி அல்பானீஸ் ஆகியோரும் போரில் உயிரிழந்தவர்களுக்கு இரங்கல் தெரிவித்துள்ளனர்.
இதேவேளை, காஸா பகுதியில் வாழும் பொதுமக்களின் பாதுகாப்பிற்காக தொடர்ந்தும் இணைந்து செயற்பட வேண்டுமென மூன்று நாடுகளின் அரச தலைவர்களும் வலியுறுத்தியுள்ளனர்.
போர் மோதல்கள் காரணமாக ஆபத்தில் இருக்கும் இஸ்ரேலியர்கள் மற்றும் பாலஸ்தீனியர்களுக்கு நிலையான மனிதாபிமான நன்மைகள் குறித்து இங்கு சிறப்பு கவனம் செலுத்தப்படுகிறது.
எவ்வாறாயினும், நிலையான யுத்த நிறுத்தத்திற்கு மூன்று நாடுகளின் தலைவர்களும் ஒன்றிணைந்து அவசரகால நிலைமைக்கு ஆதரவு வழங்கியுள்ளதோடு, இதற்கு சர்வதேசத்தின் ஆதரவு தேவை எனவும் தெரிவிக்கப்பட்டுள்ளது.
பயங்கரவாதச் செயல்களுக்கு முகங்கொடுத்து, இன்னும் பிணைக் கைதிகளாக உள்ள பொதுமக்களின் மீட்பு நடவடிக்கைகளுக்கு ஆதரவளிப்பதற்கும் பாதிக்கப்பட்டவர்களுக்கு மனிதாபிமான அணுகலை மேம்படுத்துவதற்கும் முயற்சிகள் மேற்கொள்ளப்பட வேண்டும் என்றும் வலியுறுத்தப்பட்டது.
இதற்கிடையில், போர் நிறுத்தத்திற்கான உலகளாவிய கோரிக்கைகள் குறித்து ஐக்கிய நாடுகள் சபை கவனம் செலுத்த வேண்டும்.
