செங்கடலில் பயணிக்கும் வணிகக் கப்பல்களுக்கு பாதுகாப்பு அளிக்க கூட்டு நடவடிக்கைக்கு தயாராக இருப்பதாக ஆஸ்திரேலிய கடற்படை தெரிவித்துள்ளது.
ஹவுதி கெரில்லாக்களின் அச்சுறுத்தல்களால் செங்கடலில் சர்வதேச கப்பல்களின் பாதுகாப்பு நெருக்கடியாக மாறியுள்ளதாக கூறிய அமெரிக்கா, கடல் பகுதியின் பாதுகாப்பில் தலையிடுமாறு சர்வதேச சமூகத்தை சில நாட்களுக்கு முன்பு கேட்டுக் கொண்டது.
அதற்கு அவுஸ்திரேலியா அரசாங்கமும் இணக்கம் தெரிவித்துள்ளதாகவும், அவுஸ்திரேலியாவிற்கு அண்மித்த பிராந்தியத்தில் அவுஸ்திரேலிய தற்காப்புப் படையை நிலைநிறுத்துவதற்கு தயார் நிலையில் உள்ளதாகவும் பாதுகாப்பு அமைச்சர் ரிச்சர்ட் மார்லஸ் தெரிவித்துள்ளார்.
அவுஸ்திரேலிய கடற்படையினரின் கவனத்தை ஈர்த்ததுடன், கடற்படையின் தலைவர் ரியர் அட்மிரல் கிறிஸ்டோபர் ஸ்மித், எதிர்கால நடவடிக்கைகளுக்கு கடற்படை தயாராக இருப்பதாக தெரிவித்தார்.
அவுஸ்திரேலிய கடற்படையிடம் சக்தி வாய்ந்த போர்க்கப்பல்களும், பயிற்சி பெற்ற மாலுமிகளும் உள்ளதாகவும், எந்தவொரு சவாலையும் எதிர்கொள்ளும் திறன் அவுஸ்திரேலிய கடற்படைக்கு இருப்பதாகவும், அரசாங்கமே இறுதி முடிவு எடுக்க வேண்டும் எனவும் கடற்படைத் தளபதி சுட்டிக்காட்டியுள்ளார்.
