அவுஸ்திரேலியப் பொருட்கள் மீதான சீனத் தடை அடுத்த வருடம் முழுமையாக நீக்கப்படும் என வர்த்தக அமைச்சர் டொன் ஃபாரெல் தெரிவித்துள்ளார்.
அவுஸ்திரேலியாவில் ஒயின் மீதான தடை அடுத்த வருடத்தின் முதல் பாதியில் முடிவுக்கு வரும் எனவும் அவர் சுட்டிக்காட்டியுள்ளார்.
இரு தரப்புக்கும் இடையிலான வர்த்தக உறவுகளை மீட்டெடுப்பதற்கான கடைசி கட்டம் இது என்று தெரிவிக்கப்பட்டுள்ளது.
கடந்த வாரம், ஆஸ்திரேலியாவுக்கு எதிரான மூன்று வர்த்தக தடைகளை நீக்க சீனா நடவடிக்கை எடுத்தது.
அது ஏற்கனவே சீனாவுடனான உறவுகளை வலுப்படுத்துவதற்கு வழிவகுத்துள்ளதாக அமைச்சர் சுட்டிக்காட்டியுள்ளார்.
அவுஸ்திரேலிய பிரதமர் அந்தோனி அல்பானீஸ் கடந்த மாதம் சீன ஜனாதிபதியுடன் கலந்துரையாடல் ஒன்றை மேற்கொண்டிருந்தார்.
அப்போது, பருவநிலை மாற்றம், விசா வழங்குதல் மற்றும் வணிக உறவுகள் குறித்து நல்ல மற்றும் பயனுள்ள கருத்துப் பரிமாற்றம் நடைபெற்றதாக பிரதமர் கூறினார்.
இந்த புதிய முடிவின் மூலம் நிலக்கரி, ஒயின், மாட்டிறைச்சி, பார்லி, இரால் போன்ற பொருட்களை சீனாவுக்கு அனுப்புவதன் மூலம் ஆஸ்திரேலியா ஆண்டுக்கு 20 பில்லியன் டாலர்களை சம்பாதிக்க முடியும் என தெரிவிக்கப்பட்டுள்ளது.
