Newsஅதிரடியாக தரையிறக்கப்பட்ட 300 இந்திய பயணிகளுடன் புறப்பட்ட விமானம்

அதிரடியாக தரையிறக்கப்பட்ட 300 இந்திய பயணிகளுடன் புறப்பட்ட விமானம்

-

ஐக்கிய அரபு அமீரகத்தில் இருந்து 303 இந்திய பயணிகளுடன் புறப்பட்ட விமானம் ஒன்று பிரான்சில் உள்ள விமான நிலையம் ஒன்றில் அதிரடியாக தரையிறக்கப்பட்ட சம்பவம் பரபரப்பை ஏற்படுத்தியுள்ளது.

அதிகாரிகளுக்கு கிடைத்த தகவலை அடுத்தே சந்தேகத்தின் அடிப்படையில் தொடர்புடைய விமானமானது வடகிழக்கு பிரான்சில் தரையிறக்கப்பட்டுள்ளது.

பிரான்ஸ் செய்தி ஊடகங்கள் வெளியிட்டுள்ள தகவலில், அந்த விமானத்தில் சட்டவிரோத புலம்பெயர்ந்தோர் சிலர் பயணப்படுவதாக அதிகாரிகளுக்கு தகவல் கிடைத்துள்ளது என குறிப்பிட்டுள்ளனர்.

ஏர்பஸ் ஏ340 ரக விமானம் ஒன்று ஐக்கிய அரபு அமீரகத்தில் இருந்து நிகரகுவா தலைநகர் மனகுவாவுக்கு பறந்து கொண்டிருந்தது. இந்த நிலையிலேயே தொழில்நுட்ப காரணங்களை குறிப்பிட்டு பிரான்சின் மார்னே பகுதிக்கு சொந்தமான குட்டி விமான நிலையம் ஒன்றில் அந்த விமானம் அவசரமாக தரையிறக்கப்பட்டுள்ளது.

இதனையடுத்து, பொலிசார் அந்த விமான நிலையத்தை மூடிவிட்டு, பயணிகளை விசாரிக்கும் பொருட்டு தடுத்து வைத்துள்ளனர். 303 இந்திய பயணிகளில் சிலர் சட்டவிரோத குடியேறிகள் என அதிகாரிகளுக்கு தகவல் கிடைத்துள்ளதாக கூறப்படுகிறது.

இந்த நிலையில் இரு பயணிகள் கைது செய்யப்பட்டதாக தகவல் வெளியாகியுள்ளது. இதனிடையே, முதலில் பயணிகள் அனைவரையும் விமானத்தில் இருக்கவே அதிகாரிகள் அனுமதித்தனர், ஆனால் பின்னர் விமான நிலையத்தின் வருகை ஓய்வறை படுக்கைகளுடன் காத்திருக்கும் இடமாக மாற்றப்பட்டது என அதிகாரிகள் தரப்பு தெரிவித்துள்ளனர்.

அந்த விமானமானது ரோமானிய தனியார் நிறுவனமான லெஜண்ட் ஏர்லைன்ஸுக்கு சொந்தமானது. அந்த நிறுவனம் சார்பில் சட்டத்தரணி ஒருவர் தெரிவிக்கையில்,

இந்த விவகாரம் தொடர்பில் பிரெஞ்சு அதிகாரிகளுடன் ஒத்துழைக்க தயாராக இருக்கிறோம் என்றும் அடுத்த இரண்டு நாட்களில் விமானம் புறப்படும் என்றும் நம்பிக்கை தெரிவித்துள்ளார்.

இந்த நிலையில், பிரான்சில் உள்ள இந்திய தூதரக அதிகாரிகள் தொடர்புகொள்ள நடவடிக்கை முன்னெடுக்கப்பட்டுள்ளதாகவும், நிலைமையை ஆராய்ந்து வருகிறோம் என்றும், பயணிகளின் நலனை உறுதிப்படுத்துவோம் என்றும் தெரிவிக்கப்பட்டுள்ளது.

Latest news

ஆஸ்திரேலியா முழுவதும் திரும்பப் பெறப்பட்ட குழந்தை பொம்மைகள்

ஆஸ்திரேலியா முழுவதும் உள்ள Kmart மற்றும் Target கடைகளில், மூச்சுத் திணறல் ஏற்படும் அபாயம் இருப்பதால், பல்வேறு வகையான குழந்தைகளுக்கான பொம்மைகள் அவசரமாக அகற்றப்படுகின்றன. Zak ஆஸ்திரேலியாவால்...

ஆஸ்திரேலியாவில் புதுப்பிக்கப்பட்டு வரும் இணைய வசதிகள்

ஆஸ்திரேலியாவின் National Broadband Network (NBN) செப்டம்பர் மாதம் தொடங்கி வீடு மற்றும் வணிக வாடிக்கையாளர்களுக்கு வழங்கும் இணைய சேவைகளில் புரட்சியை ஏற்படுத்த உள்ளது. அதன்படி, விலைகளை...

ஆபத்தில் உள்ள 35 வயதுக்கு மேற்பட்ட தாய்மார்கள்

35 வயதிற்குப் பிறகு பிரசவிக்கும் பெரும்பாலான ஆஸ்திரேலிய பெண்கள் உடல்நல ஆபத்தை ஏற்படுத்துவதாக Flinders பல்கலைக்கழகத்தின் ஆராய்ச்சி வெளிப்படுத்தியுள்ளது. ஆஸ்திரேலியாவில் பிரசவிக்கும் தாய்மார்களில் 26 சதவீதம் பேர்...

கணவாய் மீன்களைப் பாதுகாக்க ஒரு திட்டம்

சுற்றுலாப் பயணிகளை ஈர்ப்பதற்கும் உள்ளூர் வணிகங்களுக்கு பொருளாதார நன்மைகளை வழங்குவதற்கும் ஆஸ்திரேலிய அரசாங்கம் கணவாய் மீன்களைப் பாதுகாக்கத் தயாராகி வருகிறது. தெற்கு ஆஸ்திரேலிய அரசாங்கமும் மத்திய அரசாங்கமும்...

இன்றும் தொடரும் காணாமல் போன இளம் நீச்சல் வீரரை தேடும் பணி

நியூ சவுத் வேல்ஸின் போர்ட் மெக்குவாரியில் நீந்திக் காணாமல் போன இளம் பெண்ணைத் தேடும் பணியை இன்று மீண்டும் தொடங்கப்போவதாக போலீசார் தெரிவித்தனர். 20 வயதுடைய அந்த...

Porepunkah போலீஸ் துப்பாக்கிச் சூடு தொடர்பாக கைது செய்யப்பட்ட நபர்கள்

விக்டோரியாவில் உள்ள Porepunkah-இல் நடந்த போலீஸ் துப்பாக்கிச் சூட்டில் தொடர்புடைய நபர் இன்னும் தலைமறைவாக இருப்பதாக போலீசார் தெரிவித்தனர். இரண்டு காவல்துறை அதிகாரிகளைச் சுட்டுக் கொன்ற Desmond...