2030ஆம் ஆண்டில் சாலை விபத்துக்களால் இறப்பவர்களின் எண்ணிக்கையை ஐம்பது சதவீதம் குறைப்பதே இலக்கு என்று ஆஸ்திரேலிய அரசு கூறுகிறது.
அந்த நோக்கத்திற்காக மாநிலங்கள் மற்றும் பிரதேசங்களுக்கு நிதி உதவி வழங்கவும் நடவடிக்கை எடுக்கப்பட்டுள்ளது.
ஆனால் சாலை விபத்துகளால் உயிரிழப்போரின் எண்ணிக்கை அதிகரித்துள்ளதாக தகவல்கள் தெரிவிக்கின்றன.
விபத்துகளைக் குறைக்க நிபுணர்களின் உதவியைப் பெறுவது அரசாங்கத்தின் பொறுப்பு என்று ஆஸ்திரேலியா ஆட்டோ மொபில் நிர்வாக இயக்குநர் மைக்கேல் பிராட்லி கூறுகிறார்.
குறிப்பாக அங்கு மருத்துவர்களின் கருத்துக்கள் முக்கியமானவை என அவர் சுட்டிக்காட்டியுள்ளார்.
சாலை விபத்துகளில் கவனம் செலுத்தும் மெல்போர்ன் பல்கலைக்கழகத்தின் நகர்ப்புற போக்குவரத்து மற்றும் பொது சுகாதார பேராசிரியர் மார்க் ஸ்டீவன்சன், அதிக எண்ணிக்கையிலான விபத்துகளுக்கு வேகமே காரணம் என்கிறார்.
சுமார் ஆயிரம் சாரதிகளின் தரவுகள் பெறப்பட்டுள்ளதாகவும், வேகத்தை மட்டுப்படுத்துமாறு அறிவுறுத்தல்களை வழங்கிய போதும் அது நடைபெறவில்லை எனவும் அவர் சுட்டிக்காட்டியுள்ளார்.
வாகன ஓட்டிகளின் வேகம், களைப்பு, மது மற்றும் போதைப்பொருள் பாவனையால் பல விபத்துக்கள் ஏற்படுகின்றன.
அவற்றைக் குறைப்பதன் மூலம் அரசாங்கத்தின் இலக்குகளை அடைய முடியும் என பேராசிரியர் சுட்டிக்காட்டியுள்ளார்.
