தமிழ் சினிமாவில் முன்னனி நடிகரான சூர்யா, அகரம் அறக்கட்டளை நிறுவனம் மூலமாக பல ஏழை எளிய மாணவர்களுக்கு உதவி வருவதுடன் தற்போது கங்குவா திரைப்படத்தில் நடித்து வருகிறார். இதைதொடர்ந்து நடிகர் சூர்யா கிரிக்கெட்டிலும் தடம் பதித்துள்ளார்.
தற்போது இந்தியாவிலு நடத்தப்படவுள்ள ரி10 தொடரான ஐ.எஸ்.பி.எல் தொடரில் 10 ஓவர்களை கொண்டதுடன், ஆறு அணிகள் பங்கேற்கவுள்ளன.
டென்னிஸ் பந்தில் நடத்தப்படவுள்ள இப்போட்டிகள் வருகிற 2024ஆம் ஆண்டு மார்ச் 2ஆம் திகதி முதல் 9ஆம் திகதி வரை நடைபெறவுள்ளன. மேலும் இத்தொடரில் பங்கேற்கும் ஒவ்வொரு அணியையும் சினிமா பிரபலங்கள் வாங்கி வருகின்றனர்.
இந்நிலையில், ஐ.எஸ்.பி.எல் தொடரில் விளையாட இருக்கும் சென்னை அணியை நடிகர் சூர்யா வாங்கியுள்ளார்.
இது தொடர்பான அறிவிப்பை நடிகர் சூர்யா தனது எக்ஸ் வலைதளத்தில் அதிகாரபூர்வமாக தெரிவித்துள்ளார்.
