இங்கிலாந்தின் பக்கிங்ஹாம்ஷையரில் மேற்கொள்ளப்பட்ட அகழ்வாராய்ச்சியில் சுமார் 1700 ஆண்டுகள் பழமையானதாகக் கருதப்படும் கோழி முட்டை ஒன்று கண்டுபிடிக்கப்பட்டுள்ளது.
அந்த பகுதியில் மேற்கொள்ளப்பட்ட அகழ்வாராய்ச்சியின் போது இந்த முட்டை கண்டுபிடிக்கப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.
இந்த முட்டையில் உள்ள மஞ்சள் கருவும் வெள்ளை கருவும் எந்தவித சேதமும் இன்றி இயற்கையான வடிவில் பாதுகாப்பாக இருப்பதை பரிசோதனைகள் உறுதி செய்துள்ளன.
ஆக்ஸ்போர்டைச் சேர்ந்த தொல்பொருள் ஆராய்ச்சியாளர் எட்வர்ட் பிடல்ஃப், 1700 ஆண்டுகளுக்குப் பிறகும் மனித தலையீடு இல்லாமல் இயற்கையாகப் பாதுகாக்கப்பட்ட உலகின் ஒரே முட்டை இதுதான் என்று தான் நம்புவதாகக் கூறினார்.
பல நூற்றாண்டுகளாக பாதுகாக்கப்பட்டு வந்த இந்த முட்டை, உலகில் இதுவரை கண்டுபிடிக்கப்பட்ட முட்டைகளிலேயே மிகவும் பழமையான முட்டை என நம்பப்படுகிறது.
மம்மியிடப்பட்ட முட்டை போன்ற உள்ளடக்கங்களைக் கொண்ட பழைய முட்டைகள் கண்டுபிடிக்கப்பட்டாலும், இது மிகவும் பழமையான பாதுகாக்கப்பட்ட முட்டையாக அடையாளம் காணப்பட்டுள்ளது.
முட்டையின் உள்ளடக்கத்தைப் பொறுத்து, அதை இட்ட பறவை பற்றிய கூடுதல் தகவல்கள் கிடைக்கும் என்று எதிர்பார்க்கப்படுகிறது.
