இயக்குநர் வசந்தபாலனின் அநீதி படத்தில் நாயகனாக அறிமுகமான நடிகர் அர்ஜுன் தாஸ், கைதி படத்தின் மூலம் ரசிகர்கள் மனதை ஈர்த்தவர். தற்போது, இயக்குநர் சாந்தகுமார் இயக்கத்தில் உருவாகும் ரசவாதி படத்தில் நடித்து வருகிறார்.
இந்நிலையில், மலையாளத்தில் நகைச்சுவை கலந்த காதல் படத்தில் நடிக்கவுள்ளதாக அர்ஜுன் தாஸ் அறிவித்துள்ளார். இயக்குநர் அஹமது கபீர் இயக்கும் இப்படத்தின் மூலம் மலையாளத்தில் அவர் முதன்முறையாக அறிமுகமாகிறார்.
இப்படத்திற்கு ஹிஷாம் அப்துல் வஹாப் இசையமைக்கிறார். இப்படம் காதலை மையமாக வைத்து எண்டர்டெயினராக இருக்கும் என தகவல்கள் வெளியாகியுள்ளன. மேலும், மலையாள திரையுலகின் முன்னணி நட்சத்திரங்கள் பலரும் இதில் நடிக்கவுள்ளதாக தகவல் வெளியாகியுள்ளது.
நன்றி தமிழன்
