வெளியான 24 மணி நேரத்தில் 365 மில்லியன் பார்வைகள் பெற்று, உலக அளவில் அதிகம் பார்க்கப்பட்ட டீசர் என்ற சாதனையை Marvel-ன் ‘Deadpool & Wolverine’ டீசர் படைத்துள்ளது.
Marvel கதாபாத்திரங்களில் ஒன்றான Deadpool கதாபாத்திரத்தை அடிப்படையாகக் கொண்டு இதுவரை ‘Deadpool’, ‘Deadpool 2’ ஆகிய படங்கள் வெளியாகி பெரும் வரவேற்பை பெற்றன. அந்த வரிசையில் இதன் மூன்றாம் பாகம் தற்போது உருவாகி வருகிறது.
இப்படத்தில் X-men படங்கள் மூலம் பிரபலமான Wolverine கதாபாத்திரமும் இடம்பெற்றுள்ளதால் இப்படத்துக்கு பெரும் எதிர்பார்ப்பு நிலவுகிறது.
இப்படத்தின் டீசர் கடந்த 12ம் திகதி அதிகாலை YouTube-ல் வெளியான நிலையில், 24 மணி நேரத்தில் 365 மில்லியன் பார்வைகளைக் கடந்து இந்த டீசர் சாதனை பெற்றுள்ளது. மேலும் உலக அளவில் இதுவரை வெளியான டீசர்களில் 24 மணி நேரத்தில் அதிக பார்வைகளைப் பெற்ற டீசர் என்ற பெருமையையும் பெற்றுள்ளது.
இதற்கு முன்னால், Marvel-ன் ‘Spiderman: No Way Home’ (355.5 மில்லியன்), ‘Avengers : Endgame’ (289 மில்லியன் ) ஆகிய படங்களில் டீசர்கள் அதிக பார்வைகளை பெற்ற டீசர்களாக இருந்த நிலையில், தற்போது அந்த சாதனையை ‘Deadpool & Wolverine’ உடைத்துள்ளது.
