சிவகார்த்திகேயன் நடிப்பில் வெளியான அயலான் திரைப்படம் வெற்றிப்படமாக அமைந்ததுடன் 90 கோடி இந்திய ரூபா வரை வசூலித்துள்ளதாகத் தகவல் வெளியாகியுள்ளது. இதனைத்தொடர்ந்து, தனது 21வது படத்தை கமல்ஹாசன் தயாரிப்பில் ராஜ்குமார் பெரியசாமி இயக்கத்தில் நடித்து வருகிறார். சாய் பல்லவி நாயகியாக நடிக்கும் இப்படத்திற்கு ஜி.வி.பிரகாஷ்குமார் இசையமைக்கிறார்.
இப்படத்தின் பெயர் அறிவிப்பு டீசர் விரைவில் வெளியாகவுள்ளநிலையில், இயக்குநர் ஏ.ஆர்.முருகதாஸ் உடன் சிவகார்த்திகேயன் இணையும் புதிய படத்தின் படப்பிடிப்பு இன்று சென்னையில் ஆரம்பித்துள்ளது. இப்படத்துக்கு இசையமைப்பாளர் அனிருத் இசையமைக்கவுள்ளார்.
இப்படத்தின் நாயகியாக ‘சப்தசாகரச்ச எல்லோ’ படத்தில் நடித்த ருக்மணி ஒப்பந்தமாகியுள்ளார்.
நன்றி தமிழன்
