அவுஸ்திரேலியாவின் குடிவரவு அமைச்சர் ஆன்ட்ரூ கில்ஸ் பதவியில் இருந்து நீக்கப்பட வேண்டும் என எதிர்க்கட்சிகள் கூறுகின்றன.
சட்டவிரோத குடியேற்றவாசிகளை காலவரையறையின்றி தடுத்து வைப்பதற்கு உயர்நீதிமன்றம் தடையுத்தரவு பிறப்பித்துள்ள நிலையில் இந்த எதிர்ப்புக்கள் எழுந்துள்ளதாக தெரிவிக்கப்படுகின்றது.
இதற்கிடையில், தடுப்புக்காவலில் இருந்து விடுவிக்கப்பட்ட 149 புலம்பெயர்ந்தோரின் சரியான தகவல்களை சமர்ப்பிக்கத் தவறியதற்காக அவர் மீது குற்றச்சாட்டுகளும் எழுப்பப்பட்டுள்ளன.
மேலும், உயர்நீதிமன்ற தீர்ப்பின் விளைவாக விடுவிக்கப்பட்டவர்கள் செய்த கடுமையான குற்றங்களின் சட்ட மற்றும் அரசியலமைப்பு சூழ்நிலைகள் அடங்கிய ஆவணம் சமீபத்தில் வெளியிடப்பட்டது.
பாராளுமன்ற சபையில் இணைந்த எதிர்க்கட்சித் தலைவர் பீடர் டட்டன், குடிவரவு அமைச்சரை உடனடியாக அந்தப் பதவியில் இருந்து நீக்குமாறு பிரதமரிடம் கோரிக்கை விடுத்தார்.
எவ்வாறாயினும், குற்றச்சாட்டுகளுக்கு பதிலளித்த அமைச்சர் ஆண்ட்ரூ, தடுப்புக்காவலில் உள்ள புலம்பெயர்ந்தோர் தொடர்பாக உயர்நீதிமன்றம் வழங்கிய உத்தரவுகளுக்கு அப்பால் எதுவும் செய்யப்படவில்லை என்று கூறினார்.
இதற்கிடையில், அகதிகள் வரவேற்பு மையங்களில் பண மோசடி, துஷ்பிரயோகம் உள்ளிட்ட பல குற்றச்சாட்டுகள் கடந்த காலங்களில் அதிக விவாதத்திற்கு உட்பட்டவை.
