கோவிட்-19 வைரஸுக்கு மாடர்னா மற்றும் ஃபைசர் தடுப்பூசிகளைப் பெற்றவர்கள் பக்கவிளைவாக இதயம், மூளை மற்றும் இரத்தச் சிக்கல்கள் அல்லது இதயம் தொடர்பான அழற்சியை உருவாக்குவதற்கான வாய்ப்புகள் அதிகம் என்று சமீபத்திய கணக்கெடுப்பில் தெரியவந்துள்ளது.
தடுப்பூசிகளைப் பெற்ற 99 மில்லியன் மக்களிடம் நடத்தப்பட்ட ஆய்வின்படி இந்தத் தகவல் தெரியவந்துள்ளது.
எடுத்துக்காட்டாக, இரண்டாவது டோஸுக்குப் பிறகு மாடர்னா தடுப்பூசியைப் பெற்றவர்களுக்கு மாரடைப்பு அல்லது இதய அழற்சி ஏற்படுவதற்கான வாய்ப்பு 6.1 சதவீதம் அதிகம்.
ஃபைசர் தடுப்பூசியைப் பெற்றவர்களிடையே மாரடைப்பு நோய் எதிர்பார்த்ததை விட அதிகமாக இருப்பதாக ஆய்வில் கண்டறியப்பட்டுள்ளது.
இந்த ஆய்வு அஸ்ட்ராஜெனெகா தடுப்பூசியைப் பெற்ற மக்களிடையே பக்க விளைவுகளையும் தெரிவித்துள்ளது.
தடுப்பூசி போட்டவர்களுக்கு நோயெதிர்ப்பு மண்டல நோய், மூளையில் ரத்தம் உறைதல் உள்ளிட்ட பக்கவிளைவுகள் ஏற்படும் அபாயம் இருப்பது தெரியவந்துள்ளது.
அர்ஜென்டினா, ஆஸ்திரேலியா, கனடா, டென்மார்க், பின்லாந்து, பிரான்ஸ், நியூசிலாந்து மற்றும் ஸ்காட்லாந்து ஆகிய நாடுகளில் நோய்த்தடுப்பு தடுப்பூசி பெற்ற 99 மில்லியன் பேரின் பதிவுகள் இந்த ஆய்வுக்கு பயன்படுத்தப்பட்டதாக தெரிவிக்கப்பட்டுள்ளது.
ஆய்வை மேற்கொண்ட ஆராய்ச்சியாளர்கள் குழு 13 நோய்களைக் கண்டறிந்தது.
Pfizer, Mordana மற்றும் AstraZeneca கோவிட் நோய்த்தடுப்பு தடுப்பூசியைப் பெற்ற பிறகு, அந்த நோய்கள் வருவதற்கான ஆபத்து எவ்வாறு அதிகரித்தது என்பதை ஆய்வுக் குழு ஆய்வு செய்ததாகக் கூறப்படுகிறது.
