வடக்கு அவுஸ்திரேலியாவில் எலியட் அருகே உள்ள பகுதியில் மயில்களால் மக்கள் கடுமையாக பாதிக்கப்பட்டுள்ளதாக தகவல் வெளியாகியுள்ளது.
இதன் காரணமாக நகரில் மயில்களின் எண்ணிக்கையை கட்டுப்படுத்தும் வகையில் அவற்றை தத்தெடுக்க விரும்புவோருக்கு வழங்கும் வேலைத்திட்டம் ஆரம்பிக்கப்பட்டுள்ளதாக தெரிவிக்கப்படுகின்றது.
மயில்கள் ஆங்காங்கே மலம் கழிப்பதாகவும், தோட்டங்களை அழிப்பதாகவும், அவற்றின் அதிக சத்தம் தங்களுக்கு இடையூறாக இருப்பதாகவும் அப்பகுதி மக்கள் கூறுகின்றனர்.
டார்வினுக்கு தெற்கே 700 கிலோமீட்டர் தொலைவில் உள்ள எலியட்டில் வசிக்கும் சுமார் 290 பேர், இயற்கையின் கம்பீரமான உயிரினங்களில் ஒன்றான மயில்களின் பெருகிவரும் மக்கள்தொகையால் பாதிக்கப்பட்டுள்ளனர்.
மயில்களின் கண்களுக்கு புத்துணர்ச்சி அளிக்கும் அற்புதக் காட்சியை விட, அவற்றால் ஏற்படும் தொல்லை அப்பகுதி மக்களுக்கு கோபத்தை ஏற்படுத்தியுள்ளதாக கூறப்படுகிறது.
எலியட்டுக்கு மயில்கள் எப்படி சென்றன என்பது இதுவரை அதிகாரிகளால் அவிழ்க்க முடியாத மர்மமாக உள்ளது.
தமது தாயகமான இந்தியாவிலிருந்தும் இலங்கைக் காடுகளிலிருந்தும் ஆயிரக்கணக்கான கிலோமீற்றர் தொலைவில் உள்ள நாட்டிற்கு தமது சிறகுகளை விரித்து ஆதிக்கத்தை பரப்பி வருவதாக அதிகாரிகள் சுட்டிக்காட்டுகின்றனர்.
பார்க்லி லோக்கல் கவுன்சிலின் கூற்றுப்படி, தற்போது சுமார் 30 மயில்கள் உள்ளன. மேலும் சில உள்ளூர்வாசிகள் எலியட்டில் சுமார் 150 மயில்கள் வாழ்கின்றனர்.
