அவசர நிலை என எச்சரிக்கப்பட்டுள்ள தீயினால் விக்டோரியா மாகாணத்தில் பல வீடுகள் இன்னும் அபாய நிலையில் உள்ளதாக தெரிவிக்கப்பட்டுள்ளது.
ஆயிரக்கணக்கான ஹெக்டேர் பரப்பளவில் தீ தொடர்ந்து எரிந்து வருவதால், விக்டோரியாவின் மேற்குப் பகுதியில் உள்ள வீடுகள் இன்னும் அச்சுறுத்தலுக்கு உள்ளாகியுள்ளதாக நிவாரணக் குழுக்கள் தெரிவித்துள்ளன.
பைண்டிங், சூட், எல்ம்ஹர்ஸ்ட், மவுண்ட் லோனார்க் மற்றும் அருகிலுள்ள பல்லாரட் பகுதிகளில் வசிப்பவர்கள் உடனடியாக வெளியேற அறிவுறுத்தப்பட்டுள்ளனர்.
15,000 ஹெக்டேர் பரப்பளவில் பரவி வரும் பாரிய காட்டுத் தீயை கட்டுப்படுத்த 1000க்கும் மேற்பட்ட தீயணைப்பு வீரர்கள் போராடி வருவதாக கூறப்படுகிறது.
இன்று காலை ஏற்பட்ட தீயினால் மூன்று வீடுகள் எரிந்து நாசமாகியுள்ளதுடன் மேலும் பல வீடுகள் சேதமடைந்துள்ளதாக உறுதிப்படுத்தப்பட்டுள்ளது.
மைனே லீட், மிடில் க்ரீக், ராக்லான் மற்றும் வாட்டர்லூ ஆகிய இடங்களில் காட்டுத் தீ கட்டுப்பாட்டை மீறி எரிவதால் வீடுகளும் அச்சுறுத்தப்படுகின்றன.
கடுமையான வெப்பம் தீயணைப்பு வீரர்களுக்கும் சிக்கல்களை ஏற்படுத்துவதாக அதிகாரிகள் தெரிவித்தனர், அதற்கு முன் தீயை கட்டுக்குள் கொண்டு வர நடவடிக்கை எடுத்து வருகின்றனர்.
