கவனயீன தவறால் தன் மொத்த சொத்துக்களையும் இழந்த ஆஸ்திரேலிய நபர்!

$99,500க்குப் பதிலாக $995,000 என்று தவறுதலாக வரவு வைக்கப்பட்ட நபர் ஒருவர் அந்தத் தொகையை மோசடி செய்ததாகக் குற்றம் சாட்டப்பட்டுள்ளது.

கோவ் செங் சாயின் சொத்துக்களை முடக்கி விக்டோரியா உச்ச நீதிமன்றம் உத்தரவு பிறப்பித்துள்ளதுடன், அவர் ஆஸ்திரேலியாவை விட்டு வெளியேற தடை விதிக்கவும் நடவடிக்கை எடுத்துள்ளது.

இணையதளம் மூலம் செயல்படும் கிரிப்டோகரன்சி வர்த்தக நிறுவனமான ரைனோ டிரேடிங் மூலம் பணம் வரவு வைக்கப்பட்டு, பணத்தை திருப்பி தருமாறு அந்த நபரிடம் கோரிக்கை விடுத்துள்ளனர்.

குறித்த நபர் பதிலளிக்கத் தவறியதைத் தொடர்ந்து, அவரது சொத்துக்களை முடக்கவும், நாட்டை விட்டு வெளியேறுவதைத் தடுக்கவும் உத்தரவிடக் கோரி விக்டோரியா உச்ச நீதிமன்றத்தில் வழக்குத் தொடரப்பட்டது.

99,500 டொலர்களை பதிவு செய்ய வேண்டும் எனவும், ஆனால் தவறுதலாக மற்றுமொரு துளி பதிவு செய்யப்பட்டதன் காரணமாக குறித்த நபரின் கணக்கில் அதிக பணம் செலுத்தப்பட்டுள்ளதாக குறித்த நிறுவனம் தெரிவித்துள்ளது.

Cryptocurrency என்பது ஒரு டிஜிட்டல் நாணயமாகும். இது ஆன்லைன் முறை மூலம் நேரடியாக பணம் செலுத்த மக்களை அனுமதிக்கிறது.

அதன் பரிவர்த்தனைகள் வங்கிகளால் அல்ல, ஆனால் பிளாக்செயின் எனப்படும் பரவலாக்கப்பட்ட லெட்ஜர் மூலம் உறுதிப்படுத்தப்படுகின்றன.

மலேசிய சந்தேக நபர், நிறுவன இயக்குனரும் நீதிமன்றத்தில் ஆஜராகவில்லை.

மெல்போர்ன் பல்கலைக்கழக விரிவுரையாளர் ஷானன் கோஹ்னி கூறுகையில், இந்த வழக்கு கிரிப்டோகரன்சி வர்த்தகத்தின் அபாயங்களைப் பற்றிய நல்ல புரிதலை வழங்குகிறது என்றார்.