கொள்கலன் ஒன்றில் மறைந்திருந்து மலேசியாவிற்கு தப்பிச் செல்ல முயன்ற போது சீனாவில் கைது செய்யப்பட்ட இரு இலங்கையர்களும் நாட்டிலிருந்து நாடு கடத்தப்பட்டுள்ளனர்.
இவர்கள் நேற்று கட்டுநாயக்க விமான நிலையத்தின் ஊடாக இலங்கை வந்தடைந்ததாக தெரிவிக்கப்படுகிறது.
2023 ஆம் ஆண்டு ஜனவரி 30 ஆம் திகதி, கொழும்பு துறைமுகத்தில் நிறுத்தி வைக்கப்பட்டிருந்த “மெர்க்ஸ் யூனிகார்ன்” கப்பலில் மலேசியாவிற்கு செல்வதற்காக குறித்த இருவரும் வெற்று கொள்கலனுக்குள் இரகசியமாக நுழைந்துள்ளனர்.
கப்பல் மலேசியா வந்தபோது, கொள்கலனில் மறைந்திருந்த 26 மற்றும் 39 வயதுடைய இரு இலங்கையர்களை ஏற்றுகொள்ள மறுத்த கப்பலின் அதிகாரிகள் பல நாடுகளுக்குச் சென்றுவிட்டு இறுதியாக சீனாவை வந்தடைந்தனர்.
அங்குதான் சீன அதிகாரிகள் இந்த இரண்டு இலங்கையர்களையும் கைது செய்தனர்.
சுமார் ஒரு வருட காலம் சீனப் பாதுகாப்புப் படையினரின் பிடியில் இருந்த அவர்கள் ஷாங்காய் நகரில் இருந்து ஸ்ரீலங்கன் ஏர்லைன்ஸ் விமானத்தில் கட்டுநாயக்க விமான நிலையத்திற்கு அனுப்பி வைக்கப்பட்டனர்.
அங்கு சென்றதும் குற்றப் புலனாய்வு திணைக்கள அதிகாரிகள் குழுவினால் கைது செய்யப்பட்டுள்ளனர்.
