கருக்கலைப்பை அரசியலமைப்பு உரிமையாக உறுதிப்படுத்தும் முன்மொழிவுக்கு பிரெஞ்சு செனட் ஒப்புதல் அளித்துள்ளது.
ஐந்தில் மூன்று பெரும்பான்மையில் நிறைவேற்றப்பட்டுள்ளதால், சர்வஜன வாக்கெடுப்புக்கு செல்ல வேண்டிய அவசியம் இல்லை என வெளிநாட்டு ஊடகங்கள் செய்தி வெளியிட்டுள்ளன.
பிரேரணைக்கு ஆதரவாக செனட் வாக்களித்ததை அடுத்து, அடுத்த வாரம் நடைபெறும் கூட்டு நாடாளுமன்றக் கூட்டத்தில் கருக்கலைப்பை அரசியலமைப்பு உரிமையாக அங்கீகரிக்க பிரான்ஸ் திட்டமிட்டுள்ளது.
பிரஞ்சு அரசாங்கம், சட்டமியற்றுபவர்கள் மற்றும் செனட்டர்கள் கருக்கலைப்பு உரிமைக்கு முழு அரசியலமைப்பு பாதுகாப்பு தேவை என்று சுட்டிக்காட்டினர், ஏனெனில் இது அமெரிக்காவிலும் ஐரோப்பாவின் பிற நாடுகளிலும் சவால் செய்யப்பட்டது.
தீர்மானத்திற்கு ஆதரவாக 267 வாக்குகளும் எதிராக 50 வாக்குகளும் பதிவாகின.
கருக்கலைப்பு 1974 ஆம் ஆண்டு முதல் பிரான்சில் சட்டப்பூர்வமாக உள்ளது மற்றும் அரசியலமைப்பின் மூலம் அதை மேலும் உறுதிப்படுத்தும் வகையில் இந்த திட்டம் முன்வைக்கப்பட்டது.
செனட் சபையில் நீண்ட விவாதத்திற்குப் பிறகு, பிரதமர் கேப்ரியல் அடல், உலகில் பெண்களின் உரிமைகள் பாதிக்கப்படும் நேரத்தில், பிரான்ஸ் அதற்கு ஆதரவாக நின்று முன்னேற்றப் பாதையில் நுழைந்துள்ளது என்று கூறினார்.
கருக்கலைப்பு செய்ய முடிவெடுக்கும் பெண்களின் சுதந்திரத்தை மாற்ற முடியாததாக மாற்றுவதாக உறுதியளித்துள்ளதாகவும் ஜனாதிபதி இம்மானுவேல் மக்ரோன் தெரிவித்துள்ளார்.
