மேற்கு காசா பகுதியில் உணவு விநியோகம் செய்யும் டிரக்கை சுற்றி மக்கள் திரண்டதில் ஏற்பட்ட நெரிசலில் சிக்கி 112 பேர் பலியாகினர்.
மேலும் 760க்கும் மேற்பட்டோர் காயமடைந்துள்ளனர்,
மோதல் தொடங்கியதில் இருந்து காஸாவில் ஒரே நாளில் அதிக உயிரிழப்புகள் ஏற்பட்டுள்ளன.
இந்த சம்பவம் குறித்து விவாதிக்க ஐநா பாதுகாப்பு கவுன்சில் அவசர கூட்டத்தை நடத்தவும் திட்டமிட்டுள்ளது.
உணவைப் பெற முயற்சிக்கும் பொதுமக்கள் மீது இஸ்ரேலியப் படைகள் துப்பாக்கிச் சூடு நடத்தியது நியாயமற்றது என்று பிரான்ஸ் கூறியது, மேலும் அமெரிக்க ஜனாதிபதி ஜோ பிடன் இந்தச் சம்பவம் தற்காலிக போர்நிறுத்தத்தை ஏற்படுத்துவதற்கான தலையீட்டாளர்களின் முயற்சிகளை சிக்கலாக்கும் என்று கவலை தெரிவித்தார்.
இதற்கிடையில், 2023 ஆம் ஆண்டு அக்டோபர் 7 ஆம் திகதி மோதல் தொடங்கியதில் இருந்து, காசா பகுதியில் இறந்தவர்களின் எண்ணிக்கை 30,000 ஐ தாண்டியுள்ளதாக ஹமாஸ் அமைப்பு கூறுகிறது.
இறந்தவர்களில் பெரும்பாலானோர் பெண்கள் மற்றும் குழந்தைகள் மற்றும் காசா பகுதியில் ஊட்டச்சத்து குறைபாடு காரணமாக 6 குழந்தைகள் உயிரிழந்துள்ளதாக காசா சுகாதார அமைச்சகம் அறிவித்துள்ளது.
உயிரிழந்த 6 குழந்தைகளும் காசா பகுதியில் உள்ள கமல் அத்வான் மருத்துவமனையில் சிகிச்சை பெற்று வந்த நிலையில், எரிபொருள் பற்றாக்குறையால் மருத்துவமனை முற்றாக செயலிழந்து இந்த குழந்தைகள் உயிரிழந்துள்ளன.
மருத்துவமனையில் சிகிச்சை பெற்று வரும் மேலும் 7 குழந்தைகளின் நிலை கவலைக்கிடமாக உள்ளதாகத் தெரிவிக்கப்படுகிறது.
இஸ்ரேலின் தாக்குதல்களால் காஸாவிற்கு மனிதாபிமான உதவிகளை வழங்க முடியாமல் போனது இந்த நெருக்கடிக்கு வழிவகுத்துள்ளது.
இஸ்ரேலிய வான்வழித் தாக்குதல்களால் தாக்கப்பட்ட கட்டிடங்களின் இடிபாடுகளுக்கு அடியில் ஆயிரக்கணக்கான மக்கள் இன்னும் கண்டுபிடிக்கப்படாத நிலையில், உண்மையான இறப்பு எண்ணிக்கை மிக அதிகமாக இருக்கலாம் என்று வெளிநாட்டு ஊடகங்கள் சுட்டிக்காட்டுகின்றன.
