இன்று காலை மெல்போர்னில் உள்ள போர்ட் பிலிப் பே பகுதியில் படகு தீப்பிடித்து எரிந்ததில் அங்கிருந்த 20க்கும் மேற்பட்ட பள்ளி மாணவர்களை பாதுகாப்பு படையினர் காப்பாற்றியுள்ளனர்.
குயின்ஸ்கிளிஃப் கடற்கரையில் காலை 8.30 மணியளவில் படகு தீப்பிடித்து எரிவதாக பொலிஸாருக்கு கிடைத்த தகவலுக்கு அமைய மாணவர்களை மீட்க முடிந்ததாக தெரிவிக்கப்படுகிறது.
தீ விபத்தின் போது பாடசாலை மாணவர்கள், ஊழியர்கள் உட்பட 22 பயணிகள் அங்கு இருந்ததாகவும், அவர்கள் அனைவரும் பத்திரமாக துறைமுகத்திற்கு கொண்டு வரப்பட்டதாகவும் கூறப்படுகிறது.
படகின் இன்ஜினில் ஏற்பட்ட தீயே சம்பவத்திற்கு காரணம் எனவும், தீயினால் யாருக்கும் காயம் ஏற்படவில்லை எனவும் தெரிவிக்கப்பட்டுள்ளது.
மெல்போர்னில் உள்ள பெண்கள் பள்ளி ஒன்றில் 9ம் வகுப்பு படிக்கும் மாணவிகள் புவியியல் தொடர்பான டால்பின்களை பார்க்க சென்ற போது இந்த விபத்தில் சிக்கியுள்ளனர்.
எவ்வாறாயினும், சம்பவத்தையடுத்து, பாதுகாப்புப் படையினர் உடனடியாக தீயை அணைத்து, அது தொடர்பான படகை துறைமுக வளாகத்துக்கு கொண்டு வந்ததாகக் கூறப்படுகிறது.
