நியூ சவுத் வேல்ஸில் உள்ள சுகாதார அதிகாரிகள், சுகாதாரப் பணியாளர்கள் கோவிட் தடுப்பூசியைப் பெறுவதைக் கட்டாயமாக்கும் சட்டத்தை நீக்கத் தயாராகி வருகின்றனர்.
இதன்படி, எதிர்வரும் வாரங்களில் சட்டம் நீக்கப்படும் மற்றும் உத்தேச மாற்றம் குறித்து சுகாதார ஊழியர்கள், தொழிற்சங்கங்கள் மற்றும் உள்ளூர் சுகாதார அதிகாரிகளுடன் கலந்துரையாடல்கள் நடைபெற்று வருகின்றன.
மாநில சுகாதார அமைச்சர் ரியான் பார்க், இந்த விவகாரம் தொடர்பான விவாதங்கள் தொடரும் என்றும், சட்டத்தை நீக்குவது சரியான நேரத்தில் எடுக்கப்பட்ட நடவடிக்கை என்று தான் நம்புவதாகவும் தெரிவித்தார்.
கோவிட் அபாயம் இன்னும் உள்ளது என்றாலும், நாம் இயல்பு வாழ்க்கைக்குத் திரும்ப வேண்டும் என்று அவர் சுட்டிக்காட்டுகிறார்.
சுகாதாரப் பணியாளர்கள் உட்பட அனைவரும் தங்களது கோவிட்-19 தடுப்பூசி திட்டங்கள் குறித்து விழிப்புடன் இருக்க வேண்டும் என்று அமைச்சர் கூறினார்.
இதனால், கட்டாய தடுப்பூசி சட்டத்தால் வேலை இழந்தவர்கள் அல்லது சுகாதாரப் பதவிகளை விட்டு வெளியேறியவர்கள் புதிய வேலைகளுக்கு மீண்டும் விண்ணப்பிக்க முடியும்.
