சிட்னி மற்றும் பிரிஸ்பேன் ஆகிய முக்கிய நகரங்களில் ஏற்பட்டுள்ள மோசமான வானிலை காரணமாக மக்களுக்கு வானிலை ஆய்வு மையம் எச்சரிக்கை விடுத்துள்ளது.
சுமார் ஐந்து மில்லியன் அவுஸ்திரேலியர்கள் வீட்டுக்குள்ளேயே இருக்குமாறு அறிவுறுத்தப்பட்டுள்ளதாக அந்த அறிவிப்பில் மேலும் தெரிவிக்கப்பட்டுள்ளது.
நியூ சவுத் வேல்ஸ் மற்றும் குயின்ஸ்லாந்து பகுதிகளிலும் கடுமையான புயல் வீச வாய்ப்புள்ளதால், மக்கள் பாதுகாப்பான இடங்களில் தங்குமாறு மேலும் தெரிவிக்கப்பட்டுள்ளது.
இதேவேளை, நியூ சவுத் வேல்ஸின் தென் கடற்பகுதியில் 300 மில்லிமீற்றருக்கும் அதிகமான மழை பெய்யக்கூடும் என தெரிவிக்கப்பட்டுள்ளது.
மோசமான வானிலை காரணமாக கடந்த 24 மணி நேரத்தில், நியூ சவுத் வேல்ஸில் மட்டும் உதவிக்கான அழைப்புகளின் எண்ணிக்கை 550ஐ தாண்டியுள்ளது.
இதற்கிடையில், சிட்னி விமான நிலையத்தில் கிட்டத்தட்ட 100 அத்தியாவசியமற்ற விமானங்கள் ரத்து செய்யப்பட்டுள்ளன அல்லது தாமதமாகியுள்ளன.
சிட்னி ஊடாக பல ரயில் பயணங்கள் ரத்து செய்யப்பட்டுள்ளதாகவும் தெரிவிக்கப்பட்டுள்ளது.
