கேத்லீன் புயல் மற்றும் பலத்த காற்று காரணமாக பல இங்கிலாந்து விமானங்கள் ரத்து செய்யப்பட்டுள்ளன.
வானிலை எச்சரிக்கையை அடுத்து இங்கிலாந்து விமான நிலையங்களில் இருந்து புறப்படும் மற்றும் வரும் சுமார் 140 விமானங்கள் ரத்து செய்யப்பட்டுள்ளதாக தெரிவிக்கப்பட்டுள்ளது.
ஹீத்ரோ, மான்செஸ்டர், பர்மிங்காம், எடின்பர்க், பெல்பாஸ்ட் சிட்டி உள்ளிட்ட விமான நிலையங்களில் விமானங்கள் ரத்து செய்யப்பட்டதால் ஆயிரக்கணக்கான பயணிகள் பாதிக்கப்பட்டனர்.
மோசமான வானிலையால் ஸ்காட்லாந்தில் ரயில் மற்றும் படகு சேவைகளும் பாதிக்கப்பட்டுள்ளன.
மணிக்கு சுமார் 112 கிலோமீற்றர் வேகத்தில் வீசிய காற்றினால் பல வீடுகளும் சேதமடைந்துள்ளதுடன் கிழக்கு இங்கிலாந்தில் வெப்பநிலை 21.4 பாகை செல்சியஸாக அதிகரித்துள்ளதாக தெரிவிக்கப்படுகின்றது.
ஸ்காட்டிஷ் சிகரத்தின் அருகே 101 மைல் வேகத்தில் வலுவான காற்று பதிவு செய்யப்பட்டது.
இங்கிலாந்தின் வடமேற்கு மற்றும் தென்மேற்கு பகுதிகளிலும் வடக்கு அயர்லாந்து, ஸ்காட்லாந்து மற்றும் வேல்ஸின் சில பகுதிகளிலும் புயலின் தாக்கம் உணரப்பட்டுள்ளது.
