பல்கலைக்கழக வளாகங்களில் பாலியல் துன்புறுத்தல்களை நிவர்த்தி செய்வதற்கான புதிய சாசனத்தில் கையெழுத்திட ஆஸ்திரேலிய பல்கலைக்கழக அதிகாரிகள் ஒப்புக்கொண்டுள்ளனர்.
எவ்வாறாயினும், 2017 ஆம் ஆண்டு வழங்கப்பட்ட அதே வாக்குறுதிகளையே புதிய பிரகடனமும் மீண்டும் செய்துள்ளதாக பல்கலைக்கழக மாணவர்கள் குற்றம் சுமத்தியுள்ளனர்.
புதிய சாசனத்தின்படி, பல்கலைக்கழக வளாகத்தில் நடக்கும் பாலியல் துன்புறுத்தல் உள்ளிட்ட வன்முறைகளைத் தீர்ப்பதற்கு நிர்வாகம் அதிக முன்னுரிமை அளிக்கும்.
பாலியல் துன்புறுத்தலுக்கு ஆளானவர்களின் முறைப்பாடுகள் தொடர்பான ஒம்புட்ஸ்மேன் பதவியை ஸ்தாபித்தல் மற்றும் அதனைக் கண்காணிப்பதற்கு சுயாதீனமான பணிக்குழுவை நிறுவுதல் குறித்தும் கவனம் செலுத்தப்பட்டுள்ளது.
புதிய சாசனத்தின் கீழ், பல்கலைக்கழக நிர்வாகம் 9 அம்சங்களுக்கு ஒப்புக் கொண்டுள்ளது, இதில் பாலியல் துன்புறுத்தல் பற்றிய புள்ளிவிவர தகவல்களை வெளியிடுவது, பாலியல் துன்புறுத்தல் ஏற்றுக்கொள்ள முடியாதது என்று அறிவிப்பது உட்பட பாடத்திட்டங்கள் மூலம் மாணவர்களுக்கு இது குறித்து தெரிவிக்க வேண்டும்.
பாலியல் வன்கொடுமைக்கு ஆளான மாணவர்களின் பாதுகாப்பை உறுதி செய்வது அவசியம் என்றும், புதிய சாசனத்திற்கு முழு பல்கலைக்கழக அமைப்பும் ஒப்புக்கொள்ள வேண்டும் என்றும் கல்வி அதிகாரிகள் வலியுறுத்தியுள்ளனர்.
