13ஆம் திகதி இரவு ஈரான் இஸ்ரேலில் அடையாளம் காணப்பட்ட இலக்குகளை ஆளில்லா விமானங்கள் மற்றும் கப்பல் ஏவுகணைகள் மூலம் தாக்கியுள்ளதாக வெளிநாட்டு ஊடகங்கள் தெரிவிக்கின்றன.
சிரியாவில் உள்ள ஈரான் துணைத் தூதரகம் மீதான தாக்குதலுக்கு பதிலடியாக ஈரான் இந்த தாக்குதலை நடத்தியதாக கூறப்படுகிறது.
இஸ்ரேலில் இடம்பெற்ற தாக்குதலில் ஈரான் துணைத் தூதரகத்தில் இருந்த 13 பேர் கொல்லப்பட்டதுடன் அவர்களில் 05 இராணுவத் தளபதிகளும் அடங்குவர்.
இதுதொடர்பான தாக்குதலுக்கு இஸ்ரேலுக்கு பதிலடி கொடுக்கப்படும் என ஈரான் தலைவர் அறிவித்திருந்த நிலையில் நேற்று இரவு இந்த தாக்குதல் நடத்தப்பட்டதாக கூறப்படுகிறது.
இஸ்ரேல் மீது தாக்குதல் நடத்தியதை அடுத்து மத்திய கிழக்கு பிராந்தியத்தில் விமான சேவையை ஈரான் நிறுத்தியுள்ளதாக தகவல் வெளியாகியுள்ளது.
இந்த இராணுவ நிலைமை குறித்து அமெரிக்கா உட்பட பல நாடுகள் கவனத்தை ஈர்த்துள்ள நிலையில், அமெரிக்க ஜனாதிபதி வெள்ளை மாளிகையில் விசேட கலந்துரையாடலுக்கு அழைப்பு விடுத்துள்ளார்.
ட்ரோன்கள், கப்பல் ஏவுகணைகள் மற்றும் 200க்கும் மேற்பட்ட பாலிஸ்டிக் ஏவுகணைகளை உள்ளடக்கிய பாரிய தாக்குதலை ஈரான் நடத்தியதாக இஸ்ரேல் பாதுகாப்புப் படையின் செய்தித் தொடர்பாளர் ஒரு தொலைக்காட்சி அறிக்கையில் தெரிவித்தார்.
