இந்தோனேசியாவின் பாலி நகருக்குச் செல்லத் திட்டமிட்டுள்ள ஆஸ்திரேலியர்கள், சுற்றுலாப் பயணிகளிடையே டெங்கு காய்ச்சல் பரவுவது அதிகரித்து வருவதால், டெங்கு குறித்து எச்சரிக்கையாக இருக்குமாறு சுகாதார அதிகாரிகள் கேட்டுக் கொண்டுள்ளனர்.
சமீப ஆண்டுகளில் பாலியில் இருந்து திரும்பும் மக்களிடையே டெங்கு நோய்த்தொற்றுகள் அதிகரித்து வருவதாக ஆஸ்திரேலிய சுகாதார அதிகாரிகள் சுட்டிக்காட்டுகின்றனர்.
நவம்பர் மாதம் முதல் ஏப்ரல் மாதம் வரை மழைக்காலங்களில் டெங்கு காய்ச்சல் பரவுவது வழமையாக காணப்படுவதாக வெளிவிவகார திணைக்களத்தின் பேச்சாளர் தெரிவித்துள்ளார்.
கொசுக் கடியைத் தவிர்ப்பதே டெங்குவைத் தடுப்பதற்கான சிறந்த வழி என அவர்கள் சுட்டிக்காட்டியுள்ளனர்.
அனைத்து ஆஸ்திரேலியர்களும் இந்தோனேசியாவிற்கு தங்கள் பயணத்தைத் திட்டமிடுவதற்கு முன், தொற்று நோய் மற்றும் டெங்கு அறிவுரைகளைப் பற்றி நன்கு தெரிந்துகொள்ளுமாறு அரசாங்கம் வலியுறுத்தியுள்ளது.
கொசுக்களால் பரவும் டெங்கு வைரஸ் இந்தோனேசியா, பாலி, ஜகார்த்தா மற்றும் பிற முக்கிய நகரங்களில் கண்டறியப்பட்டுள்ளது, இதுவரை இறப்புகள் எதுவும் பதிவாகவில்லை.
திடீரென காய்ச்சல், தலைவலி, குமட்டல் மற்றும் வாந்தி, கடுமையான வயிற்று வலி, விரைவான சுவாசம் மற்றும் எதிர்பாராத இரத்தப்போக்கு ஆகியவை டெங்கு காய்ச்சலின் அறிகுறிகளாகும்.
ஆஸ்திரேலிய சுகாதார அதிகாரிகள், பெரும்பாலான பாதிக்கப்பட்டவர்கள் பொதுவாக ஒரு வாரத்திற்குள் குணமடைந்தாலும், டெங்கு சிலருக்கு ஆபத்தானது.
உலகில் அதிக டெங்கு காய்ச்சலால் பாதிக்கப்பட்டுள்ள 30 நாடுகளில் இந்தியா, தாய்லாந்து மற்றும் இலங்கையுடன் இந்தோனேஷியாவும் இருப்பதாக ஆஸ்திரேலியாவின் சுகாதாரத் துறை தனது குடிமக்களுக்கு அறிவித்துள்ளது.
