அன்சாக் தினத்தை முன்னிட்டு ஆயிரக்கணக்கான ஆஸ்திரேலியர்கள் தங்கள் நகரங்களில் உள்ள போர் நினைவுச் சின்னங்கள் மற்றும் கல்லறைகளுக்கு சூரிய உதயத்திற்கு முன் குவிந்தனர்.
மெல்பேர்ன் நகரில் நடைபெற்ற போர்வீரர்களின் கொண்டாட்டங்களுக்கு அதிகளவான மக்கள் திரண்டதாகவும், அதிகாலை 5.30 மணியளவில் மக்கள் நினைவுத்தூபிகளுக்கு திரண்டதாகவும் கூறப்படுகிறது.
மேலும், காலை 8.30 மணியளவில் மெல்பேர்னில் போர் வீரர்களின் நினைவேந்தல் ஊர்வலம் ஆரம்பமானது.
கடந்த வருடம் மெல்பேர்னில் நடைபெற்ற அன்சாக் தின கொண்டாட்டத்தில் 40,000 பேர் கலந்து கொண்டதாகவும், இன்றும் அதேபோன்று மக்கள் கலந்து கொண்டதாகவும் தெரிவிக்கப்படுகிறது.
அவுஸ்திரேலியாவில் உள்ள அனைத்து போர் நினைவுச் சின்னங்களிலும் இன்று முழுவதும் நினைவேந்தல் நிகழ்ச்சிகள் நடைபெற்று வருகின்றன.
பிரிஸ்பேனில் உள்ள அன்சாக் சதுக்கத்தில் முக்கிய நிகழ்வு ஏற்பாடு செய்யப்பட்டுள்ளது மற்றும் நடவடிக்கைகள் அதிகாலை 4.28 மணிக்கு தொடங்கியுள்ளன.
பப்புவா நியூ கினியாவிற்கு விஜயம் செய்துள்ள பிரதமர் அந்தோனி அல்பானீஸ் கொக்கோடா பாதையில் பங்கேற்று அது தொடர்பான கொண்டாட்டங்களை மேற்கொண்டுள்ளதாக தெரிவிக்கப்படுகின்றது.
