ஐ.பி.எல். 2024 கிரிக்கெட் தொடரில் ஏப்ரல் 28 இரண்டு போட்டிகள் நடைபெற்றன. முதல் போட்டியில் குஜராத் டைட்டன்ஸ் மற்றும் ரோயல் சேலஞ்சர்ஸ் பெங்களூரு அணிகள் மோதின. இந்த போட்டியில் நாணயசுழற்சியில் வென்ற பெங்களூரு அணி முதலில் பந்துவீச்சை தேர்வு செய்தது.
அதன்படி துடுப்பெடுத்தாட களமிறங்கிய குஜராத் அணிக்கு ஆரம்ப வீரர்களான ரிதிமான் சாஹா மற்றும் சுப்மன் கில் ஜோடி சுமாரான ஆரம்பத்தை கொடுத்தது. இருவரும் முறையே 5 மற்றும் 16 ஓட்டிங்களை எடுத்த நிலையில் ஆட்டமிழந்தனர்.
இவர்களை தொடர்ந்து களமிறங்கிய சாய் சுதர்சன் மற்றும் ஷாருக் கான் நிதானமாக ஆடி ஓட்டக் குவிப்பில் ஈடுபட்டனர். இருவரும் அரைசதம் கடந்த நிலையில், ஷாருக் கான் 30 பந்துகளில் 58 ஓட்டங்களை குவித்து ஆட்டமிழந்தார்.
போட்டி முடிவில் குஜராத் அணி 3 விக்கெட்டுகளை இழந்து 200 ஓட்டங்களை குவித்தது. சாய் சுதர்சன் 49 பந்துகளில் 84 ஓட்டங்களுடனும், டேவிட் மில்லர் 19 பந்துகளில் 26 ஓட்டங்களுடனும் களத்தில் இருந்தனர்.
பெங்களூரு சார்பில் ஸ்வப்னில் சிங், சிராஜ் மற்றும் மேக்ஸ்வெல் தலா ஒரு விக்கெட் வீழ்த்தினர்.
இதையடுத்து 201 ஓட்டங்கள் என்ற வெற்றியலக்கை நோக்கி களமிறங்கிய பெங்களூரு அணி 16 ஓவர்களில் 9 விக்கெட்டுகள் வித்தியாசத்தில் 206 ஓட்டங்களைப் பெற்று வெற்றிபெற்றது.
நன்றி தமிழன்
