மெல்போர்னில் உள்ள மெக்டொனால்ட்ஸ் உணவகம் அருகே ஒருவர் கத்தியால் குத்தப்பட்டு மருத்துவமனையில் அனுமதிக்கப்பட்டுள்ளார்.
இந்த கத்திக்குத்து காரணமாக குறித்த நபருக்கு உயிருக்கு ஆபத்தான காயங்கள் ஏற்பட்டுள்ளதாக பொலிஸார் தெரிவித்துள்ளனர்.
இன்று காலை சுமார் 6 மணியளவில் St Albans இல் உள்ள துரித உணவு நிலையத்தின் வாகன நிறுத்துமிடத்தில் காயமடைந்த நபர் ஒருவர் இருப்பதாக தெரிவிக்கப்பட்டதைத் தொடர்ந்து அவசர சேவைகள் சென்றன.
இதுவரை அடையாளம் காணப்படாத இந்த நபர், உடலின் கீழ் பகுதியில் பலத்த காயங்களுடன் காணப்பட்டு மெல்போர்ன் மருத்துவமனைக்கு கொண்டு செல்லப்பட்டார்.
வேறு ஒருவருடன் ஏற்பட்ட தகராறு காரணமாக குறித்த நபர் கத்தியால் குத்தப்பட்டிருக்கலாம் என பொலிஸார் சந்தேகிக்கின்றனர்.
சம்பவத்துடன் தொடர்புடைய சந்தேக நபர்கள் எவரும் இதுவரை அடையாளம் காணப்படவில்லை அல்லது கைது செய்யப்படவில்லை.
