விக்டோரியாவின் சுகாதார அமைச்சர் மேரி-ஆன் தாமஸின் வருகையின் போது மருத்துவமனை ஊழியர்கள் குழு ஒன்று நோயாளிகள் போல் நடித்ததாக சுகாதாரத் துறை விசாரணையில் தெரியவந்துள்ளது.
கடந்த ஆகஸ்ட் மாதம் கோலக் பகுதியில் உள்ள சுகாதார நிலையத்திற்கு சென்ற போது இந்த சம்பவம் பதிவாகியுள்ளது.
மருத்துவ மனை மிகவும் பரபரப்பாக உள்ளதை நம்ப வைக்க இந்த மோசடி செயலில் ஈடுபட்டுள்ளது தெரியவந்துள்ளது.
இந்த தந்திரத்தில் ஈடுபட்ட 10 ஊழியர்களில் ஒருவர் ஆம்புலன்சில் நோயாளியாக வந்திருப்பதும் தெரியவந்துள்ளது.
சம்பந்தப்பட்ட வைத்திய நிலையம் தனது சொந்த ஊழியர்களை பயன்படுத்தி மிகவும் பரபரப்பான அவசர சிகிச்சை நிலையமாக காட்டவே இதனை செய்துள்ளதாக கூறப்படுகிறது.
இது தொடர்பான விசாரணை அறிக்கை இன்று சுகாதார அதிகாரிகளிடம் கையளிக்கப்பட்டுள்ளது.
அமைச்சரின் வருகைக்குப் பின்னர் நோயாளிகள் பதிவு தரவு அமைப்பில் பதிவு செய்யப்பட்ட ஊழியர்களின் பெயர்கள் ரத்து செய்யப்பட்டதாக அது சுட்டிக்காட்டியுள்ளது.
இது உண்மையான நோயாளிகளின் உடல்நலம் மற்றும் பாதுகாப்பில் நேரடியான தாக்கத்தை ஏற்படுத்தவில்லை என்றாலும், நோயாளிகளின் கவனிப்பு பாதிக்கப்படுவதற்கான வாய்ப்புகள் இருப்பதாக கணக்கெடுப்பு அறிக்கை காட்டுகிறது.
10 ஊழியர்களுக்கு எதிராக ஒழுக்காற்று நடவடிக்கை எடுக்கப்பட மாட்டாது என்று தெரிவிக்கப்பட்டுள்ளது, ஆனால் சம்பவத்தின் தீவிரம் குறித்து அவர்களுக்கு அறிவுறுத்தப்பட்டுள்ளது.
