குயின்ஸ்லாந்தில் உள்ள வணிக வளாகத்தில் கும்பல் ஒன்று தலையை துண்டிக்கத் தயாராகும் போலி வீடியோவை வெளியிட்ட 27 வயது இளைஞருக்கு ஜாமீன் வழங்க நீதிமன்றம் மறுத்துள்ளது.
மார்ச் 25 அன்று, சந்தேக நபர் தனது கழுத்தில் கத்தியை வைத்துக்கொண்டு, மவுண்ட்வியூ ஷாப்பிங் சென்டருக்கு வெளியே தன்னைக் கொல்லப் போவதாக ஒரு வீடியோ எடுத்து பெற்றோருக்கு அனுப்பியதாகத் தெரிவிக்கப்படுகிறது.
இந்த காணொளி ISIS தீவிரவாத வீடியோவாக படமாக்கப்பட்டுள்ளதுடன் சந்தேக நபருக்கு ISIS பயங்கரவாத அமைப்புடன் தொடர்பு உள்ளதா என விசாரணைகள் ஆரம்பிக்கப்பட்டுள்ளன.
இது ISIS அமைப்பின் எச்சரிக்கை என வீடியோவின் இறுதியில் குறிப்பிட்டிருந்தார்.
அடுத்த வாரத்தில் ஷாப்பிங் மால் ஒன்றில் ISIS தலை துண்டிக்கப்படும் என்றும் கூறப்பட்டதுடன், ஒருவரின் தலையை வெட்டுவதற்கு தனக்கு அனுமதி வழங்கப்பட்டுள்ளதாகவும் சந்தேக நபர் வலியுறுத்தியுள்ளார்.
இந்த இளைஞன் எதிர்வரும் மே மாதம் 31ஆம் திகதி மீண்டும் நீதிமன்றில் முன்னிலைப்படுத்தப்படவுள்ளார்.
சந்தேக நபர் மனநலக் கோளாறால் பாதிக்கப்பட்டுள்ளதாகவும், அவரது பைத்தியக்காரத்தனம் காரணமாகவே இவ்வாறு செய்யப்பட்டுள்ளதாகவும் சந்தேகிக்கப்படுவதுடன், உரிய மருத்துவ அறிக்கைகளையும் வரவழைக்க திட்டமிடப்பட்டுள்ளது.
