அடுத்த வாரம் தாக்கல் செய்யப்படும் பட்ஜெட்டில் புதிய வீடுகள் கட்ட கூடுதல் முதலீடாக பல பில்லியன் டாலர்களை மத்திய அரசு வழங்கவுள்ளதாக தகவல் வெளியாகியுள்ளது.
2030ஆம் ஆண்டுக்குள் 1.2 மில்லியன் புதிய வீடுகள் கட்டித் தரப்படும் என்ற வாக்குறுதியை மத்திய அரசு இலக்காகக் கொண்டுள்ள நிலையில், இந்த ஆண்டு பட்ஜெட்டில் புதிய வீடுகள் கட்ட கூடுதல் முதலீட்டை மத்திய அரசு அளிக்கும் என்று விமர்சகர்கள் சுட்டிக்காட்டுகின்றனர்.
குடும்ப வன்முறையால் பாதிக்கப்பட்ட பெண்கள் மற்றும் குழந்தைகளுக்கான தங்குமிடங்களுக்கு கூடுதலாக 1 பில்லியன் டாலர் செலவிடப்படும்.
பிரதம மந்திரி Anthony Albanese நேற்றைய அமைச்சரவை கூட்டத்தில் வீடுகளை கட்ட மற்றும் பழுது பார்க்க ஐந்து ஆண்டுகளில் மாநிலங்கள் மற்றும் பிரதேசங்களுக்கு $9.3 பில்லியன் வழங்க ஒப்புக்கொண்டார்.
நெடுஞ்சாலைகள், கழிவுநீர் அமைப்புகள், எரிசக்தி மற்றும் நீர் விநியோகம் மற்றும் வீடு கட்டும் செயல்முறையை விரைவுபடுத்துவதற்காக மற்ற சமூக உள்கட்டமைப்புகளை உருவாக்க மாநிலங்கள் மற்றும் பிரதேசங்களுக்கு மற்றொரு $1 பில்லியன் வழங்கப்படும்.
வீடமைப்பு நெருக்கடியானது ஒரு புறநகர், நகரம் அல்லது மாநிலத்தின் பிரச்சினை அல்ல என்றும், எல்லா இடங்களிலும் உள்ள ஆஸ்திரேலியர்கள் எதிர்கொள்ளும் சவாலாகவும் அனைத்து மட்டங்களிலும் அரசாங்க நடவடிக்கை தேவை என்றும் பிரதமர் குறிப்பிட்டார்.
புதிய நிதியுதவி ஆஸ்திரேலியர்கள் மீதான அழுத்தத்தை குறைக்கும் என்று வீட்டு வசதி அமைச்சர் ஜூலி காலின்ஸ் கூறினார்.
