தெற்கு ஆஸ்திரேலியா மாநிலத்தில் குழந்தைகளுக்கான சமூக ஊடகங்களைத் தடைசெய்யும் திட்டத்தை ஏற்கத் திட்டமிடப்பட்டுள்ளது.
14 வயதிற்குட்பட்ட குழந்தைகளுக்கான சமூக ஊடகங்களை தடைசெய்யும் ஆஸ்திரேலியாவில் இதுபோன்ற முதல் சட்டத்தை மாநில அரசு பரிசீலித்து வருகிறது.
குழந்தைகளின் மனநலம் மற்றும் வளர்ச்சியில் சமூக ஊடகங்களின் தாக்கம் பற்றிய ஆதாரங்கள் அதிகரித்து வருவதால் சட்ட மாற்றங்கள் குறித்து ஆராயப்பட்டு வருவதாக பிரதமர் பீட்டர் மலினௌஸ்காஸ் தெரிவித்தார்.
டிக்டோக் மற்றும் இன்ஸ்டாகிராம் போன்ற முக்கிய சமூக ஊடக கணக்குகளில் பதிவு செய்ய பயனர்கள் குறைந்தது 13 வயது இருக்க வேண்டும்.
ஆனால், அந்த வயது வரம்பு சட்டமாக்கப்படவில்லை.
குழந்தைகள் மீது சமூக ஊடகங்களின் தாக்கம் குறித்து தாம் கவலைப்படுவதாக பிரதமர் குறிப்பிட்டார்.
அரசாங்கம் என்ற வகையில் குழந்தைகளைப் பாதுகாக்க எங்களால் முடிந்த அனைத்தையும் செய்வோம் என்றும் அவர் வலியுறுத்தினார்.
14 வயதுக்குட்பட்ட குழந்தைகள் சமூக ஊடக கணக்கை அணுகுவதைத் தடைசெய்வதுடன், புதிய விதிகளின்படி, 14 மற்றும் 15 வயதுடையவர்கள் சமூக ஊடகங்களை அணுகுவதற்கு பெற்றோரின் அனுமதியும் தேவைப்படும்.
